ប្រទេសអ៊ីរ៉ង់ ៖ នៅអ៊ីរ៉ង់ការបង្ក្រាបពួកបាតុករដែលបះបោរប៉ងផ្លួលរំលំរបបប្រទេសនេះពិតជាសែនទារុណ តាំងពីចាប់ផ្ដើមចលនាតវ៉ាពីថ្ងៃទី២៨ ធ្នូ មក។ តាមអង្គការសិទ្ធិមនុស្សអ៊ីរ៉ង់មួយមានមូលដ្ឋាននៅន័រវែសថា មកទល់ពេលនេះ បាតុករយ៉ាងតិច៣៤២៨នាក់ បានត្រូវស្លាប់…
ប្រទេសអ៊ីរ៉ង់ ៖ នៅអ៊ីរ៉ង់ការបង្ក្រាបពួកបាតុករដែលបះបោរប៉ងផ្លួលរំលំរបបប្រទេសនេះពិតជាសែនទារុណ តាំងពីចាប់ផ្ដើមចលនាតវ៉ាពីថ្ងៃទី២៨ ធ្នូ មក។ តាមអង្គការសិទ្ធិមនុស្សអ៊ីរ៉ង់មួយមានមូលដ្ឋាននៅន័រវែសថា មកទល់ពេលនេះ បាតុករយ៉ាងតិច៣៤២៨នាក់ បានត្រូវស្លាប់ ហើយមនុស្សជាង១០៦០០នាក់ត្រូវចាប់ខ្លួន ។ អង្គការនេះ លើកឡើងទៀតថា នេះជាតួលេខអ្នកស្លាប់ដែលទាបបំផុត ដោយតាមសាក្សីទាំងឡាយថាចំនួនបាតុករដែលស្លាប់ពិតជាមានខ្ពស់ជាងនេះទៀត ។
គេពិតជាមានការលំបាកខ្លាំងក្នុងការត្រួតពិនិត្យការខូចខាតនិងជនរងគ្រោះពិតប្រាកដ ខណៈគមនាគមន៍ និងអ៊ីនធើរណេតត្រូវកាត់ផ្ដាច់ ។ តុល្យការថ្ងៃទី១៤ មករា អង្គការសិទ្ធិមនុស្សនោះក៏ទទួលបានសេចក្ដីរាយការណ៍របស់ប្រភពផ្លូវការអ៊ីរ៉ង់ដែរ ។ ប្រភពក្រសួងសុខាភិបាលគូសបញ្ជាក់ថា រវាងពីថ្ងៃទី៨ទៅទី១២ មករា ប៉ុណ្ណោះ មនុស្សប្រមាណជា៣៥០០នាក់បានត្រូវស្លាប់ ក្នុងនោះ មានពួកបាតុករ និងសមាជិកកងកម្លាំងសន្តិសុខ។ ប៉ុន្តែមានតួលេខក្រៅពីនេះថា ចំនួនអ្នកស្លាប់មានរវាងពី៥០០០ ទៅ២០.០០០នាក់។
ទោះបីការបង្ក្រាបបង្ហូរឈាមបាតុកម្មនៅអ៊ីរ៉ង់ ត្រូវបានប្រធានាធិបតីអាមេរិកលោកដូណាល់ត្រាំ គំរាមផ្ទួនៗធ្វើអន្ត្រាគមន៍យោធាក៏ដោយ តែការសម្រេចនៅតែមានការស្ទាបស្ទង់ដែរ។ កាលពីថ្ងៃទី១៤ មករា លោកត្រាំអះអាងថា ការសម្លាប់នៅអ៊ីរ៉ង់ត្រូវបានបញ្ចប់ក្រោយការបង្ក្រាបបាតុករក្នុងថ្លុកឈាម ។ លោកថា យើងបានទទួលព័ត៌មានពីបណ្ដាប្រភពសំខាន់ៗដែលថា ការសម្លាប់ត្រូវបានបញ្ឈប់ ។
ប្រភពទាំងនោះ នៅបានអះអាងទៀតថា ការប្រហារជីវិតពួកបាតុករដែលគ្រោងធ្វើនាថ្ងៃទី១៤ មករា ទីបំផុត គ្មានទេ ។ ពេលសួរលោកពីអន្តរាគមន៍យោធាជាយថាហេតុរបស់អាមេរិក លោកត្រាំឆ្លើយតបថា គេនឹងពិនិត្យហើយគេចាំមើលស្ថានការណ៍ទៅខាងមុខទៀត ។ មើលទៅអ៊ីរ៉ង់ និងអាមេរិក ហាក់ដូចជាមកលេងសន្លឹកបៀរនៃការបន្ធូរបន្ថយភាពតានតឹង។ រដ្ឋមន្ត្រីការបរទេសអ៊ីរ៉ង់លោកអាប់បាស់អារ៉ាក់ជីអះអាងថា នឹងពុំមានការព្យួរករបាតុករឡើយនាពេលនេះ និងពេលស្អែក ។
លោកត្រាំអះអាងថា សហរដ្ឋអាមេរិកនឹងមានប្រតិកម្មតបយ៉ាងខ្លាំងក្លាបំផុត បើអ៊ីរ៉ង់ចាប់ផ្ដើមប្រហារជីវិតដោយព្យួរករពួកបាតុករ ដែលចាប់ខ្លួនច្រើនពាន់នាក់ ។ ចំណែកអ៊ីរ៉ង់វិញបានចោទប្រកាន់អាមេរិកថា រកលេសដើម្បីធ្វើអន្តរាគមន៍ប្រឆាំងខ្លួន ។ ចំណែកប្រទេសចិនវិញបានចេញពីភាពស្ងៀមស្ងាត់ទាក់ទិននឹងបាតុកម្មនៅអ៊ីរ៉ង់ដោយស្នើកុំឲ្យមានការជ្រៀតជ្រែកពីខាងក្រៅ ។
ចែករំលែកព័តមាននេះ