រាជធានីភ្នំពេញ៖ យោងតាមព្រឹត្តិបត្រព័ត៌មានស្តីពីស្ថានភាពធាតុអាកាសសម្រាប់ថ្ងៃទី១៥ ខែមករា ឆ្នាំ២០២៦ ឥទ្ធិពលសម្ពាធខ្ពស់ពីប្រទេសចិន និងខ្យល់មូសុងឦសាននឹងបន្តគ្របដណ្តប់លើព្រះរាជាណាចក្រកម្ពុជារហូតដល់ថ្ងៃទី១៧ ខែមករា។

ស្ថានភាពនេះនឹងធ្វើឱ្យធាតុអាកាសនៅតំបន់ខ្ពង់រាបចុះត្រជាក់ខ្លាំងនៅពេលព្រឹក ដោយសីតុណ្ហភាពអប្បបរមាធ្លាក់ចុះមកត្រឹម ១៦អង្សាសេ និងមានសីតុណ្ហភាពអតិបរមា ២៩អង្សាសេ។ ទន្ទឹមនឹងនេះ នៅក្នុងបណ្តាខេត្តដូចជា ឧត្តរមានជ័យ ប៉ៃលិន ព្រះវិហារ ក្រចេះ រតនគិរី មណ្ឌលគិរី កំពង់ស្ពឺ ស្ទឹងត្រែង រួមទាំងតំបន់ជួរភ្នំក្រវាញ និងជួរភ្នំដងរែក នឹងមានខ្យល់បក់មកពីទិសឧត្តរ និងឦសានក្នុងល្បឿនមធ្យម ៦ ម៉ែត្រ/វិនាទី ប៉ុន្តែពុំមានភ្លៀងធ្លាក់ឡើយ៕

​