ខេត្តកំពង់ស្ពឺ៖ យុវជនជាមុខសញ្ញាចែកចាយនិងជួញដូរគ្រឿងញៀនម្នាក់ត្រូវបានកម្លាំងកងរាជអាវុធហត្ថស្រុកភ្នំស្រួចធ្វើការឃាត់ខ្លួនបាន ជាមួយវត្ថុតាងក្រាមពណ៌សថ្លាចំនួន៤១កញ្ចប់។ ការឃាត់ខ្លួនយុវជនជាមុខសញ្ញាខាងលើបានធ្វើឡើងកាលពីវេលាម៉ោង ០២និង០៥នាទីរសៀលថ្ងៃទី១៣ ខែមករា ឆ្នាំ២០២៦ នៅចំណុច ឧទ្យានជាតិព្រះសុរាម្រិត កុសុមៈ…
ខេត្តកំពង់ស្ពឺ៖ យុវជនជាមុខសញ្ញាចែកចាយនិងជួញដូរគ្រឿងញៀនម្នាក់ត្រូវបានកម្លាំងកងរាជអាវុធហត្ថស្រុកភ្នំស្រួចធ្វើការឃាត់ខ្លួនបាន ជាមួយវត្ថុតាងក្រាមពណ៌សថ្លាចំនួន៤១កញ្ចប់។
ការឃាត់ខ្លួនយុវជនជាមុខសញ្ញាខាងលើបានធ្វើឡើងកាលពីវេលាម៉ោង ០២និង០៥នាទីរសៀលថ្ងៃទី១៣ ខែមករា ឆ្នាំ២០២៦ នៅចំណុច ឧទ្យានជាតិព្រះសុរាម្រិត កុសុមៈ គិរីរម្យ(ចំការតែ) ស្ថិតនៅក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ ។
មន្ត្រីអាវុធហត្ថស្រុកភ្នំស្រួចបាននិយាយឱ្យដឹងថា នៅមុនពេលឃាត់ខ្លួនមុខសញ្ញាខាងលើ គឺដោយបានការអនុញ្ញាតពីលោកមេបញ្ជាកាកងរាជអាវុធហត្ថខេត្តកំពង់ស្ពឺ និងមានការសម្របសម្រួល នីតិវិធី ពីលោក សាយ វាសនា ព្រះរាជអាជ្ញារងអមសាលាដំបូងខេត្តកំពង់ស្ពឺ។ នៅរសៀលថ្ងៃទី១៣ ខែមករា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកភ្នំស្រួច សហការជាមួយកម្លាំងមន្ទីស្រាវជ្រាវ និងបង្ក្រាបបទល្មើស ដឹកនាំដោយលោកមេបញ្ជាការមូលដ្ឋានកងរាជអាវុធហត្ថស្រុកភ្នំស្រួច បានធ្វើកាឃាត់ខ្លួនជនសង្ស័យម្នាក់មានឈ្មោះ ផល ទ្បុង ភេទប្រុស អាយុ១៩ឆ្នាំមុខរបរមិនពិតប្រាកដ រស់នៅក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ នៅចំណុច ឧទ្យានជាតិព្រះសុរាម្រិត កុសុមៈ គិរីរម្យ(ចំការតែ)។
មន្ត្រីកងរាជអាវុធហត្ថស្រុកភ្នំស្រួចបានបន្តថា ក្រោយឃាត់ខ្លួនជនសង្ស័យជាមុខសញ្ញាខាងលើជំនាញបានធ្វើការដកហូតវត្ថុតាងរួមមាន ៖
១/ម្សៅក្រាមពណ៌សថ្លាសង្ស័យថា ជាគ្រឿងញៀន ចំនួន៤១កញ្ចប់ ធំចំនួន ១កញ្ចប់ និងតូចចំនួន៤០កញ្ចប់
២/អាវុធចំនួន ១ដើម (ចាស់)
៣/គ្រាប់ចំនួន ៤គ្រាប់
៤/ជញ្ជីងសម្រាប់ថ្លឹងគ្រឿងញៀនចំនួន១ និងឧបករណ៍ប្រើប្រាស់គ្រឿងញៀនមួយចំនួនថែមទៀតផង ។
បច្ចុប្បន្នជនសង្ស័យ រួមជាមួយសម្ភារនិងវត្ថុតាងបញ្ជូនទៅកាន់បញ្ជាការដ្ឋានកងរាជអាវុធហត្ថខេត្តកំពង់ស្ពឺដើម្បីសួរនាំ និងកសាងសំណុំរឿងចាត់ការបន្តតាមផ្លូវច្បាប់៕
ចែករំលែកព័តមាននេះ