ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា រដ្ឋអាជ្ញាពិសេសកូរ៉េខាងត្បូង កាលពីថ្ងៃទី១៣ មករា ស្នើឲ្យកាត់ទោសប្រហារជីវិតអតីតប្រធានាធិបតីដកហូតតំណែងលោកYOON SUNK YEOL ពីបទបះបោរ។…
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា រដ្ឋអាជ្ញាពិសេសកូរ៉េខាងត្បូង កាលពីថ្ងៃទី១៣ មករា ស្នើឲ្យកាត់ទោសប្រហារជីវិតអតីតប្រធានាធិបតីដកហូតតំណែងលោកYOON SUNK YEOL ពីបទបះបោរ។
ក្រុមលោកCHO EUN SUK រដ្ឋអាជ្ញាឯករាជ្យទទួលបន្ទុករឿងបះបោរឧក្រិដ្ឋកម្មដទៃៗទៀត ទាក់ទិននឹងលោកYOON ទាមទារទោសប្រហារជីវិតប្រឆាំងលោកYOON ពីបទរៀបចំការបះបោរមួយ ដោយចេញច្បាប់អាជ្ញាសឹក ផ្ទុយពីរដ្ឋធម្មនុញ្ញនិងខុសច្បាប់ ពេលប្រទេសមិនស្ថិតក្នុងស្ថានភាពសង្គ្រាមឬសភាពការណ៍បន្ទាន់ជាតិធ្ងន់ធ្ងរណាមួយ ។
តុលាការក្រុងសេអ៊ូលមួយនឹងចេញសាលក្រមកាតទោសលោកYOON ក្នុងខែកុម្ភៈ។ តុលាការនោះ កាលពីខែមុនបានធ្វើសវនាការកាត់ទោស៣ ទាក់ទិននឹងជនសង្ស័យ៨នាក់ ក្នុងនោះ មានលោកYOON ដែលទទួលការចោទប្រកាន់ថា ដឹកនាំការបះបោរ និងអ្នកទទួលខុសត្រូវជាន់ខ្ពស់យោធា និងប៉ូលិស៧រូប ពីបទដើរតួនាទីសំខាន់ក្នុងការបះបោរ ។
កាលពីថ្ងៃទី១៣ មករា ក្រុមរដ្ឋអាជ្ញាពិសេស ទាមទារកាត់ទោសដាក់ពន្ធនាគារអស់១ជីវិត សម្រាប់អតីតរដ្ឋមន្ត្រីការពារប្រទេសលោកKIM YONG HYUN ដោយអះអាងថា លោកKIM គឺជាអ្នករៀបចំផែនការ និងដឹកនាំការបះបោរ អមជាមួយលោកYOON SUNK YEOLដោយដាក់ពង្រាយកងទ័ព ៕
ចែករំលែកព័តមាននេះ