ខេត្តកណ្ដាល ៖ ស៊ីទែនហ្គាស់ធំ១ នៅក្នុងស្ថានីយប្រេងសាវីម៉ិច ត្រូវបានអគ្គិភ័យឆាប់ឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដ៏រថយន្តពន្លត់អគ្គិភ័យជាច្រើនគ្រឿង ទៅអន្តរាគមន៍បានពន្លត់ ។ ហេតុការណ៍អគ្គិភ័យនេះបានកើតឡើងនៅនៅវេលាម៉ោង១១និង៣៥នាទីព្រឹក ថ្ងៃទី១៣…
ខេត្តកណ្ដាល ៖ ស៊ីទែនហ្គាស់ធំ១ នៅក្នុងស្ថានីយប្រេងសាវីម៉ិច ត្រូវបានអគ្គិភ័យឆាប់ឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដ៏រថយន្តពន្លត់អគ្គិភ័យជាច្រើនគ្រឿង ទៅអន្តរាគមន៍បានពន្លត់ ។
ហេតុការណ៍អគ្គិភ័យនេះបានកើតឡើងនៅនៅវេលាម៉ោង១១និង៣៥នាទីព្រឹក ថ្ងៃទី១៣ ខែមករា ឆ្នាំ២០២៦ នៅចំណុចក្នុងស្ថានីយ៍ប្រេងឥន្ទនៈ SAVIMEX ពាមសត្ថា ស្ថិតនៅតាមផ្លូវជាតិលេខ៥ គីឡូម៉ែត្រលេខ២៤ ក្នុងភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្តាល ។
តាមសាក្សី បានឱ្យដឹងថា នៅមុនពេលកើតហេតុ គេឃើញភ្លើងបានឆាប់ឆេះស៊ីទែនហ្គាស់ធំមួយ ដាក់នៅក្នុងស្ថាននីយ៍ប្រេងខាងលើយ៉ាងសន្ធោសន្ធៅ ភ្លាមៗបង្កឲ្យមានការភ្ញាក់ផ្អើលដល់នគរបាលមូលដ្ឋាន ទាក់ទងហៅរថយន្តពន្លត់អគ្គិភ័យជាច្រើនគ្រឿង ទៅអន្តរាគមន៍បាញ់ពន្លត់។ ទោះបីជាយ៉ាងណា ភ្លើងពុំបានផ្ទុះឆេះស៊ីទែននោះឡើយ ដោយសមត្ថកិច្ចបានបាញ់ទឹកសាប៊ូ អន្តរាគមន៍ទប់ស្កាត់ទាន់ពេល ។
ទាក់ទិនការកើតមានអគ្គិភ័យ សមត្ថកិច្ចឲ្យដឹងថា បណ្តាលមកពីកម្មករជួសជុលជុលស៊ីទែន (ប្រើប្រាស់ឧបករណ៍ស្វានអគ្គិសនី) បណ្តាលអោយឆាបឆេះហ្គាស់ តែម្តង ។
តាមនគរបាលមូលដ្ឋាន បានអោយដឹងថា នៅក្នុងហេតុការណ៍ សមត្ថកិច្ចបានប្រើប្រាស់រថយន្តពន្លត់អគ្គិភ័យ ចំនួន០៦គ្រឿង ស្មើទឹកចំនួន១២ ស៊ីទែន ហើយភ្លើងបានរលត់វិញ នៅវេលាម៉ោង១២និង២៨នាទីថ្ងៃត្រង់ ។
មន្ត្រីនគរបាល បានអោយដឹងទៀតថា អគ្គិភ័័យនេះ បណ្ដាឲ្យរងរបួសចំនួនពីរនាក់ ១.ឈ្មោះ ទុំ សុភ័ណ្ឌ ភេទប្រុស អាយុ២៥ឆ្នាំ មុខរបរ ជាង មានទីលំនៅភូមិកោះខ្ញែ ឃុំអូរគ្រៀង ស្រុកអូរគ្រៀង ខេត្តក្រចេះ (របួសស្រាល), ២.ឈ្មោះ ឈាង សូរ្យាភា ភេទប្រុស អាយុ២៦ឆ្នាំ មុខរបរ ជាង មានទីលំនៅភូមិខ្សាច់លាវ ឃុំសំបូរ ស្រុកសំបូរ ខេត្តក្រចេះ (របួលធ្ងន់) ។ ត្រូវបានរថយន្តបញ្ជូនទៅសង្គ្រោះនៅមន្ទីរពេទ្យបង្អែកស្រុកពញាឮ ៕
ចែករំលែកព័តមាននេះ