ខេត្តស្វាយរៀង ៖ ជនជាតិចិន២ក្រុមជិះរថយន្តទំនើប២គ្រឿង បានផ្ទុះជម្លោះវាយតប់គ្នាយ៉ាងសាហាវដូចក្នុងរឿងភាពយន្តហុងកុង និងបណ្ដាលឱ្យបុរសជាតិចិនម្នាក់រងរបួស រត់ចូលផ្ទះអ្នកភូមិឲ្យជួយ ។ អំពើហិង្សានេះ បានកើតឡើងកាលពីវេលាម៉ោងប្រមាណ១និង២៩នាទីរំលងអធ្រាត្រឈានចូលថ្ងៃទី១៣ ខែមករាឆ្នាំ២០២៦កន្លងទៅ…
ខេត្តស្វាយរៀង ៖ ជនជាតិចិន២ក្រុមជិះរថយន្តទំនើប២គ្រឿង បានផ្ទុះជម្លោះវាយតប់គ្នាយ៉ាងសាហាវដូចក្នុងរឿងភាពយន្តហុងកុង និងបណ្ដាលឱ្យបុរសជាតិចិនម្នាក់រងរបួស រត់ចូលផ្ទះអ្នកភូមិឲ្យជួយ ។ អំពើហិង្សានេះ បានកើតឡើងកាលពីវេលាម៉ោងប្រមាណ១និង២៩នាទីរំលងអធ្រាត្រឈានចូលថ្ងៃទី១៣ ខែមករាឆ្នាំ២០២៦កន្លងទៅ នៅមុខកាស៊ីណូមួយកន្លែង ខាងមុខច្រកទ្វារអន្តរជាតិព្រៃវល្លិ ស្ថិតក្នុងភូមិព្រៃវល្លិ ឃុំថ្មី ស្រុកកំពង់រោទ៍ ។
បើតាមអ្នកភូមិនិយាយថា ជនជាតិចិនទាំង២ក្រុមនេះដែលជិះរថយន្តទំនើប២គ្រឿង បានវាយតប់គ្នាយ៉ាងសាហាវ ដោយមួយក្រុមមានកាំបិតដេញចាក់ក្រុមមួយទៀត បណ្តាលឲ្យរងរបួសទ្រូងម្នាក់ ។ ខណ:នោះ ជនរងគ្រោះបានរត់ចូលផ្ទះអ្នកភូមិឲ្យជួយ ឯគ្នីគ្នាបានរត់ចូលក្នុងរថយន្តបើកគេចខ្លួន ។
ចំណែកភាគីម្ខាងក៏ឡើងរថយន្តដេញតាម រួចហើយក៏ត្រឡប់មករកជនរងគ្រោះវិញ ។ ពេលនោះ ដោយអ្នកភូមិបានរាយការណ៍ប្រាប់សមត្ថកិច្ចឲ្យមកអន្តរាគមន៍ ជនជាតិចិនទាំងនោះក៏នាំគ្នាគេចខ្លួនបាត់អស់ទៅ តែអ្នកភូមិបានថតរថយន្ត១គ្រឿងឱ្យសមត្ថកិច្ច ។
សមត្ថកិច្វបាននាំជនរងគ្រោះទៅមណ្ឌលសុខភាពដើម្បីព្យាបាល និងសាកសួរស្រាវជ្រាវរកក្រុមជនដៃដល់មកទទួលខុសត្រូវចំពោះមុខច្បាប់ ក៏ប៉ុន្តែលទ្ធផលយ៉ាងណានោះ សមត្ថកិច្ចនៅកំពុងធ្វើការមិនទាន់បានឱ្យដឹងថា បាតុភាពនេះកើតឡើងដោយសារអ្វីនោះទេ ៕
ចែករំលែកព័តមាននេះ