សង្គ្រាមអ៊ុយក្រែន ៖ ខណៈប្រធានាធិបតីអាមេរិក លោកដូណាល់ ត្រាំ ចង់ឲ្យមានកិច្ចព្រមព្រៀងមួយ រវាងលោកពូទីន និងលោកហ្សេឡេនស្គី ស្ដីពីអ៊ុយក្រែននៅអ.ស.បសហរដ្ឋអាមេរិកបានចោទប្រកាន់រុស្ស៊ីថា បែរជាដើរវាងបុព្វហេតុសន្តិភាព…
សង្គ្រាមអ៊ុយក្រែន ៖ ខណៈប្រធានាធិបតីអាមេរិក លោកដូណាល់ ត្រាំ ចង់ឲ្យមានកិច្ចព្រមព្រៀងមួយ រវាងលោកពូទីន និងលោកហ្សេឡេនស្គី ស្ដីពីអ៊ុយក្រែននៅអ.ស.បសហរដ្ឋអាមេរិកបានចោទប្រកាន់រុស្ស៊ីថា បែរជាដើរវាងបុព្វហេតុសន្តិភាព ។ នៅក្រុមប្រឹក្សាសន្តិសុខអាមេរិកបានបន្តឹងសំឡេងចំពោះរុស្ស៊ី ។
កាលពីថ្ងៃទី១២ មករា អាមេរិកបានបរិហារការប្រើប្រាស់របស់រុស្ស៊ីលើអ៊ុយក្រែន នូវមីស៊ីលបាលីស្ទិកជំនាន់ចុងក្រោយORECHNIK ដែលនោះជាការបង្កើនគ្រោះថ្នាក់មិនអាចពន្យល់បានឡើយ ។ ឯកអគ្គរដ្ឋទូតរងអាមេរិកប្រចាំអ.ស.ប លោកស្រីTAMMY BRUCEថ្លែងថា ដោយសារភាពជាអ្នកដឹកនាំរបស់លោកដូណាល់ត្រាំ យើងបានឈានទៅជិតដល់កិច្ចព្រមព្រៀងមួយ ពុំធ្លាប់មានតាំងពីចាប់ផ្ដើមសង្គ្រាមមក។
ទោះបែបនេះក្ដីរុស្ស៊ីបន្តវាយប្រហារកាន់តែខ្លាំងលើអ៊ុយក្រែន ក្នុងនោះ មានទាំងការវាយប្រហារដោយមីស៊ីលបាលីស្ទិកមានសមត្ថភាពនុយក្លេអ៊ែរជំនាន់ចុងក្រោយORECHNIKមានសមត្ថភាពនុយក្កេអ៊ែរ លើតំបន់អ៊ុយក្រែនមួយស្ថិតនៅក្បែរព្រំដែនជាមួយប៉ូឡូញនិងអូតង់ទៀតផង។
នោះជាការបង្កើនថ្មីនៃគ្រោះថ្នាក់ដែលមិនអាចពន្យល់បាន ពេលដែលអាមេរិកកំពុងធ្វើការជាមួយក្រុងគៀវ ដៃគូដទៃៗទៀតនិងក្រុងមូស្គូ ដើម្បីបញ្ចប់សង្គ្រាមតាមការចរចា ។ សកម្មភាពរបស់រុស្ស៊ីគំរាមកំហែងពង្រីកសង្គ្រាម ។ ការវាយប្រហារក្បែរព្រំដែនប៉ូឡូញជាមួយមីស៊ីលបាលលីស្ទិកធុននោះ ពិតជាគ្រោះថ្នាក់ដែលគំរាមកំហែងសន្តិសុខតំបន់និងអន្តរជាតិ។
រុស្ស៊ីកាលពីថ្ងៃទី១៣ មករា បានវាយប្រហារ ជិតក្រុងខាគៀវភាគឦសានអ៊ុយក្រែនបណ្ដាលឲ្យមនុស្សស្លាប់យ៉ាងតិច២នាក់និងរបួស៣នាក់។ ក្នុងតំបន់ហ្សាប៉ូរីហ្ស៊ីយ៉ាស្នូរផ្ទុះនានាត្រូវបានលាន់ឮនៅតំបន់ហ្សាប៉ូរីហ្ស៊ីយ៉ា ភាគអាគ្នេយ៍ប្រទេស ទាក់ទិននឹងការវាយប្រហាររបស់រុស្ស៊ី ។ នៅរដ្ឋធានីគៀវប្រមុខរដ្ឋបាលយោធាតំបន់ ស្នើដល់ប្រជាជនឲ្យបុងប្រយ័ត្ន ប្រឈមមុខនឹងការវាយប្រហារដោយមីស៊ីលបាលីស្ទិករុស្ស៊ីដែលកំពុងបន្ត ៕
ចែករំលែកព័តមាននេះ