យោងតាមការស្រាវជ្រាវនិងការផ្សាយរបស់សារព័ត៌មានបរទេស ការជ្រើសរើសបង្គាដែលធំៗ និងស្រស់ៗខុសធម្មតា អាចជាអន្ទាក់ដែលធ្វើឱ្យអ្នកទិញចំបង្គាចាក់ទឹក ឬសារធាតុគីមី។ ដើម្បីសុវត្ថិភាពគ្រួសារ ចូរពិនិត្យមើលចំណុចសំខាន់ៗទាំង ៦ នេះ៖ ១….
យោងតាមការស្រាវជ្រាវនិងការផ្សាយរបស់សារព័ត៌មានបរទេស ការជ្រើសរើសបង្គាដែលធំៗ និងស្រស់ៗខុសធម្មតា អាចជាអន្ទាក់ដែលធ្វើឱ្យអ្នកទិញចំបង្គាចាក់ទឹក ឬសារធាតុគីមី។ ដើម្បីសុវត្ថិភាពគ្រួសារ ចូរពិនិត្យមើលចំណុចសំខាន់ៗទាំង ៦ នេះ៖
១. រូបរាងបង្គា៖ បង្គាស្រស់ធម្មជាតិនឹងមានរាង “កោងបន្តិច”។ បើឃើញបង្គាណាដែលមានរាង “ត្រង់ភ្លឹង និងធាត់ហើម” ខុសប្រក្រតី នោះជាសញ្ញានៃការចាក់ទឹក ឬសារធាតុគីមីដើម្បីបង្កើនទម្ងន់។
២. ពិនិត្យក្បាលបង្គា៖ បង្គាស្រស់ ក្បាលនិងដងខ្លួនត្រូវ “ជាប់គ្នាស្អិត” មិនរលុង ឬមានទឹកហូរចេញតាមថ្នេរក្បាលឡើយ។ បើក្បាលហៀបនឹងដាច់ ឬរបេះ នោះគឺជាបង្គាចាស់។
៣. ប៉ះសំបកបង្គា៖ សំបកបង្គាស្រស់ត្រូវតែ “ស្ងួត និងជាប់សាច់មាំ”។ ប្រសិនបើប៉ះទៅមានអារម្មណ៍ថា “រអិលមានស្លេស្ម” ឬសាច់ទន់ជ្រាយដូចប៉ោងទឹក នោះគឺជាបង្គាគីមីហើយ។
៤. សង្កេតមើលកន្ទុយ៖ បង្គាស្រស់មានកន្ទុយ “បត់ចូលគ្នា”។ បើឃើញបង្គាមានកន្ទុយ “រីកសាយដូចកង្ហារ” ហើមៗ បញ្ជាក់ថាវាត្រូវបានគេបាញ់បញ្ចូលទឹកឱ្យហើមសាច់។
៥. ហិតក្លិន៖ បង្គាល្អត្រូវតែមានក្លិន “ឆ្អាបត្រីសមុទ្រធម្មជាតិ”។ ចៀសវាងដាច់ខាតបង្គាដែលមានក្លិនដូចថ្នាំសម្លាប់មេរោគ ក្លិនក្លរីន ឬក្លិនស្អុយខុសប្លែក។
៦. ពិនិត្យទឹកក្នុងថាស៖ ទឹកដែលដាក់ត្រាំបង្គាត្រូវតែ “ថ្លា”។ បើទឹកមានសភាពល្អក់ កក មានពពុះ ឬស្អិតៗ នោះជាសញ្ញានៃការប្រើប្រាស់សារធាតុរក្សាគុណភាពគីមី៕
ចែករំលែកព័តមាននេះ