ប្រទេសអេស្ប៉ាញ ៖ ប៉ូលិសអេស្ប៉ាញប្រកាសនាថ្ងៃទី១២ មករា ពីការចាប់បានគ្រឿងញៀនកូកាអ៊ីន ដល់១០តោនក្នុងសមុទ្រ ដែលនោះជាការចាប់បានគ្រឿងញៀនដ៏ច្រើនជាប្រវត្តិសាស្ត្របន្ទាប់ពីឃាត់នាវា ដឹកកុងតឺន័រ១គ្រឿងក្នុងមហាសមុទ្រអត្លង់ទិក ។ នាវានោះកំពុងធ្វើដំណើរទៅកាន់អឹរ៉ុប…
ប្រទេសអេស្ប៉ាញ ៖ ប៉ូលិសអេស្ប៉ាញប្រកាសនាថ្ងៃទី១២ មករា ពីការចាប់បានគ្រឿងញៀនកូកាអ៊ីន ដល់១០តោនក្នុងសមុទ្រ ដែលនោះជាការចាប់បានគ្រឿងញៀនដ៏ច្រើនជាប្រវត្តិសាស្ត្របន្ទាប់ពីឃាត់នាវា ដឹកកុងតឺន័រ១គ្រឿងក្នុងមហាសមុទ្រអត្លង់ទិក ។ នាវានោះកំពុងធ្វើដំណើរទៅកាន់អឹរ៉ុប ។ គ្រឿងញៀនកូកាអ៊ីនដល់ជិត១០តោន រកឃើញលាក់ក្នុងទំនិញទាំងឡាយ ។
ក្នុងសេចក្ដីប្រកាសមួយប៉ូលិសអេស្ប៉ាញគូសបញ្ជាក់ថា បណ្ដាភ្នាក់ងារនៃក្រុមប្រតិបត្តិការពិសេស បានចាប់នាវាដឹកទំនិញនោះដែលដោតទង់ជាតិកាមេរូន កាលពីសប្ដាហ៍កន្លងទៅ បន្ទាប់ពីចាកចេញពីប្រេស៊ីល ដោយរឹមអូសយកបានគ្រឿងញៀនកូកាអ៊ីន៩៩៩៤គីឡូក្រាមលាក់ក្នុងទំនិញ ។
សមាជិកក្រុមនាវិកនៃនាវានោះទាំង១៣នាក់បានត្រូវចាប់ខ្លួន ហើយកាំភ្លើងមួយដើមក៏រឹបអូសយកបានដែរ ។ នាវានោះ ជួបបញ្ហាខ្វះប្រេងក្រោយការឆ្មក់ចាប់ ហើយស្ថិតក្នុងសមុទ្រអស់ពេលជិត១២ម៉ោង មុនពេលសណ្ដោងមកដល់ប្រជុំកោះកាណារីអេស្ប៉ាញ ។ ប៉ូលិសថ្លែងថា ការស៊ើបអង្កេតមួយកំពុងធ្វើលើអង្គការពហុជាតិមួយដែលសង្ស័យជាអ្នកនាំចេញគ្រឿងញៀនកូកាអ៊ីន
ដ៏ច្រើនពីអាមេរិកខាងត្បូងមកកាន់អឹរ៉ុប ៕
ចែករំលែកព័តមាននេះ