អគ្គនាយកស៊ីម៉ាក់ អំពាវនាវឱ្យបងប្អូនប្រជាពលរដ្ឋមានការប្រុងប្រយ័ត្នខ្ពស់ ចំពោះគ្រាប់សំណល់សង្គ្រាម ជាពិសេសគ្រាប់បែកចង្កោម នៅតាមតំបន់ព្រំដែន ។ ជាក់ស្តែង លោក ហេងរតនា អគ្គនាយកស៊ីម៉ាក់…
អគ្គនាយកស៊ីម៉ាក់ អំពាវនាវឱ្យបងប្អូនប្រជាពលរដ្ឋមានការប្រុងប្រយ័ត្នខ្ពស់ ចំពោះគ្រាប់សំណល់សង្គ្រាម ជាពិសេសគ្រាប់បែកចង្កោម នៅតាមតំបន់ព្រំដែន ។
ជាក់ស្តែង លោក ហេងរតនា អគ្គនាយកស៊ីម៉ាក់ បានប្រកាសនៅលើបណ្តាញសង្គមហ្វេសប៊ុកនាថ្ងៃទី១២ ខែមករា ឆ្នាំ២០២៦នេះថា ៖ សូមបងប្អូនប្រជាពលរដ្ឋវិលត្រឡប់ទៅកាន់ភូមិឋានផ្ទះសំបែងវិញ សុំមេត្តាប្រុងប្រយ័ត្នខ្ពស់បំផុត ចំពោះគ្រោះថ្នាក់ដោយសារគ្រាប់សំណល់សង្គ្រាមឈ្លានពានរបស់សៀម ជាពិសេសគ្រាប់បែកចង្កោម ។
សូមបញ្ជាក់ថា ការចេញមកប្រកាសនាពេលនេះ ធ្វើឡើងក្នុងគោលបំណងធានាបាននូវសុវត្ថិភាពអាយុជីវិតជូនប្រជាពលរដ្ឋ និងបញ្ចៀសនូវសោកនាដកម្មដែលមិនគួរកើតមានឡើង ស្របពេលដែលស្ថានភាពនៅតាមតំបន់មួយចំនួនទើបតែមានភាពធូរស្រាល និងអនុញ្ញាតឱ្យពលរដ្ឋវិលត្រឡប់ទៅរស់នៅជាធម្មតាវិញ៕
ចែករំលែកព័តមាននេះ