រាជធានីភ្នំពេញ ៖ ក្រសួងការពារជាតិ បានប្រកាសនាព្រឹកថ្ងៃទី១២ ខែមករា ឆ្នាំ២០២៦នេះថា ៖ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ទទួលស្វាគមន៍ វរសេនីយ៍ឯក វិឡៃសន ស៊ីស៊ុមបាត់ (Vilaysone Sisombath) នាយការិយាល័យអនុព័ន្ធយោធា សាធារណរដ្ឋ​​ប្រជាធិបតេយ្យ​ប្រជាមានិត​ឡាវ(ចាស់) ដែលបានបញ្ចប់បេសកកម្មការទូត នៅព្រះរាជាណាចក្រកម្ពុជា ចូលជួបសម្តែងការគួរសម ជម្រាបលា និងបំពាក់មេដាយ និងបានបង្ហាញមុខវរសេនីយ៍ឯក ឡាតសាក់ឃុន វង្សភោស៊ី (Latsakhoun Vongphosy) នាយការិយាល័យ អនុព័ន្ធយោធាសាធារណរដ្ឋ​​ប្រជាធិបតេយ្យ​ប្រជាមានិត​ឡាវ (ថ្មី) ប្រចាំព្រះរាជាណាចក្រកម្ពុជា ដែលប្រព្រឹត្តទៅនៅ ទីស្ដីការក្រសួងការពារជាតិ ៕