ខេត្តកំពង់ស្ពឺ៖ អ្នកញៀនល្បែងជល់មាន់ចំនួន១៩នាក់ និងអាគកចំនួន៤ក្បាល ព្រមទាំងសម្ភារជាច្រើន ត្រូវបានកម្លាំងនគរបាលស្រុកសំរោងទងធ្វើការឆ្មក់បង្ក្រាបទីតាំងសង្វៀនជល់មាន់មួយកន្លែងក្នុងដីឡូត៍មួយកន្លែង ខណៈដែលអ្នកញៀនល្បែងកំពុងតែប្រមូលផ្តុំគ្នាលេងល្បែងស៊ីសងជល់មាន់ខុសច្បាប់។
ការឆ្មក់បង្ក្រាបទីតាំងសង្វៀនជល់មាន់ឃាត់អ្នកញៀនល្បែង១៩នាក់ និងសម្ភារ បានធ្វើឡើងកាលពីរសៀលថ្ងៃទី១១ ខែមករា ឆ្នាំ២០២៦ ស្ថិតនៅក្នុងដីឡូត៍ទំនេរមួយកន្លែង ក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ។
នគរបាលស្រុកសំរោងទងបាននិយាយឱ្យដឹងថា អ្នកញៀនល្បែងដែលឃាត់ខ្លួនបានចំនួន១៩នាក់÷ ទី១/ឈ្មោះ ភឹម ផន ភេទប្រុស អាយុ៤៩ឆ្នាំ រស់នៅក្នុងភូមិតាយឹង ឃុំពើក ស្រុកអង្គស្នួល ខេត្តកណ្ដាល (មានជំងឺលើសឈាមកំពុងយកទៅព្យាបាលនៅមន្ទីរពេទ្យបង្អែកខេត្តកំពង់ស្ពឺ)។ ទី២/ឈ្មោះ ថោង វិរះ ភេទប្រុស អាយុ៤១ឆ្នាំ ទី៣/ឈ្មោះយឹង លីនដា ភេទប្រុស អាយុ៤០ឆ្នាំ ទី៤/ឈ្មោះឡាំ ចន្ធូរ ភេទប្រុស អាយុ៣២ឆ្នាំ ទី៥/ឈ្មោះម៉ៅ រិន ភេទប្រុស អាយុ៦២ឆ្នាំ ទី៦/ឈ្មោះវង សូវង្ស ភេទប្រុស អាយុ៣៣ឆ្នាំ
ទី៧/ឈ្មោះយឹម សំណាង ភេទប្រុស អាយុ៤៤ឆ្នាំទាំង៦នាក់នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ទី៨/ឈ្មោះលឹម លីកូ ភេទប្រុស អាយុ៣៥ឆ្នាំ ទី៩/ឈ្មោះហៃ ទូច ភេទប្រុស អាយុ៤២ឆ្នាំទាំង២នាក់នៅភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ ទី១០/ឈ្មោះ សុខ វី ភេទប្រុស អាយុ៤០ឆ្នាំ រសនៅក្នុងភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល ទី១១/ឈ្មោះលៀង គា ភេទប្រុស អាយុ៣៦ឆ្នាំ រស់នៅភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល ទី១២/ឈ្មោះរ៉េត ធា ភេទប្រុស អាយុ៣៤ឆ្នាំរស់នៅភូមិសាលាគ្រួស ឃុំលំហាច ស្រុកអង្គស្នួល ខេត្តកណ្ដាល ទី១៣/ឈ្មោះលីម ម៉ាច ភេទប្រុស អាយុ៣៩ឆ្នាំ
ទី១៤/ឈ្មោះលីម មី ភេទប្រុស អាយុ៣៤ឆ្នាំ ទាំង២នាក់រស់នៅភូមិក្រាំងចិន ឃុំស្ដៅកោង ស្រុកបាភ្នំ ខេត្តព្រៃវែង ទី១៥/ឈ្មោះមឿន ម៉ុន ភេទប្រុស អាយុ៤២ឆ្នាំនៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្ដាល ទី១៦/ឈ្មោះសុីម សុភ័ក្ត្រ ភេទប្រុស អាយុ៤១ឆ្នាំនៅភូមិទន្លាប់ខ្ពស់ខាងត្បូង ឃុំដំណាក់អំពិល ស្រុកអង្គស្នួល ខេត្តកណ្ដាល ទី១៧/ឈ្មោះជី វុិត ភេទប្រុស អាយុ៤៨ឆ្នាំនៅភូមិអណ្ដូងទឹក ឃុំលំហាច ស្រុកអង្គស្នួល ខេត្តកណ្ដាល ទី១៨/ឈ្មោះចាន់ ថារ៉ាវី ភេទប្រុស អាយុ៣៨ឆ្នាំនៅភូមិព្រៃគោ ឃុំលំហាច ស្រុកអង្គស្នួល ខេត្តកណ្ដាល និងទី១៩/ឈ្មោះលី វិឆ័យ ភេទប្រុស អាយុ៣៦ឆ្នាំនៅភូមិត្រពាំងឫស្សី ឃុំសំបូរ ស្រុកសំរោងទង ខេត្តកំពង់ស្ពឺ។ ក្រោយធ្វើការឃាត់ខ្លួនអ្នកញៀនល្បែងខាងលើ នគរបាលធ្វើការដកហូតវត្ថុតាងរួមមាន÷ ទូរស័ព្ទដៃចំនួន១៥គ្រឿង ម៉ូតូចំនួន៨គ្រឿង និងមាន់គកចំនួន៤ក្បាលផងដែរ។
នគរបាលស្រុកសំរោងទងបានបន្តឱ្យដឹងទៀតថា នៅមុនពេលបង្ក្រាបទីតាំងសង្វៀនជល់មានខាងលើ គឺមានសេចក្តីរាយការណ៍ពីប្រជាពលរដ្ឋថា មានក្រុមអ្នកញៀនល្បែងសុីសងជល់មាន់ បានប្រមូលផ្តុំគ្នា នៅក្នុងដីឡូត៍ទំនេរមួយកន្លែង ស្ថិតនៅក្នុងភូមិព្រៃគុយ ឃុំត្រពាំង ស្រុកសំរោងទង។ ក្រោយទទួលបានព័ត៌មានខាងលើ សមត្ថកិច្ចនគរបាលស្រុកសំរោងទង បានចុះទៅបង្ក្រាប និងឃាត់ខ្លួនអ្នកញៀនល្បែង ព្រមទាំងសម្ភារ និងមាន់ជល់តែម្តង។
បច្ចុប្បន្នក្រុមអ្នកញៀនល្បែងទាំ១៩នាក់ អាគក៤ក្បាល ព្រមទាំងម៉ូតូចំនួន១៥គ្រឿង នគរបាលជំនាញកំពុងធ្វើការសាកសួរ និងកសាងសំណុំរឿងបញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ