រាជធានីភ្នំពេញ ៖ បុរសម្នាក់ត្រូវរថយន្តបើកបុកពេញទំហឹងហើយប៉ើងជាច្រើនម៉ែត្រ បោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងមិនគោរពភ្លើងស្តុប។ ហេតុការណ៍នេះបង្កភ្ញាក់ផ្អើល កាលពីវេលាម៉ោង១០ និង៤០នាទីព្រឹកថ្ងៃទី១០ ខែមករា ឆ្នាំ២០២៦…
រាជធានីភ្នំពេញ ៖ បុរសម្នាក់ត្រូវរថយន្តបើកបុកពេញទំហឹងហើយប៉ើងជាច្រើនម៉ែត្រ បោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងមិនគោរពភ្លើងស្តុប។ ហេតុការណ៍នេះបង្កភ្ញាក់ផ្អើល កាលពីវេលាម៉ោង១០ និង៤០នាទីព្រឹកថ្ងៃទី១០ ខែមករា ឆ្នាំ២០២៦ នៅចំណុចស្តុបបុរី
រ៉ុងរឿង តាមបណ្តោយផ្លូវ អូស៊ីអាយស៊ី សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ។
បុរសដែលស្លាប់ឈ្មោះ ហេង ចន្ទ្រា អាយុ៣៣ឆ្នាំ មានស្រុកកំណើត នៅភូមិទូរីកណ្តាល ឃុំព្រែកពោធិ ស្រុកស្រីសន្ធរ ខេត្តកំពង់ចាម ជិះម៉ូតូមួយគ្រឿង ម៉ាកហុងដាឌ្រីម ពណ៌ខ្មៅ ពាក់ស្លាកលេខ កំពង់ចាម 1U-1803។ រថយន្តដែលបើកបុកម៉ូតូបណ្ដាលឲ្យស្លាប់បុរសម្នាក់នោះម៉ាក Ford Raptor ពណ៌ស៊ីម៉ង់ ពាក់ស្លាកលេខ កម្ពុជា JBK.3133 បើកបរដោយបុរសម្នាក់ត្រូវបានសមត្ថកិច្ចឃាត់
ខ្លួន។
តាមសាក្សីបានឲ្យដឹងថា នៅមុនពេលគាត់ហេតុគេឃើញជនរងគ្រោះបានជិះម៉ូតូមួយគ្រឿងខាងលើធ្វើដំណើរតាមបណ្តោយផ្លូវ អូស៊ីអាយស៊ី ក្នុង ទិសដៅពីត្បូងទៅជើង ។ ខណៈមកដល់ចំណុចស្តុបរ៉ុងរឿង បុរសរងគ្រោះមិនបានគោរពភ្លើងសញ្ញាស្តុប ក្រហមហើយត្រូវរថយន្ត ម៉ាក Ford Raptorខាងបើកក្នុងទិសដៅពីកើតទៅលិច ជាន់ហ្វ្រាំងមិនជាប់ ក៍ជ្រុលបុក ពេញទំហឹង បណ្តាលអោយម៉ូតូនិងជនរងគ្រោះប៉ើងជាច្រើនម៉ែត្រ បណ្ដាលអោយបោកក្បាល ស្លាប់នៅនឹងកន្លែង។
បន្ទាប់ពីកើតមានគ្រោះថ្នាក់អ្នកបើកបរត្រូវបានសមត្ថកិច្ចឃាត់ខ្លួន ។ ក្រោយកើតហេតុ កម្លាំងសមត្ថកិច្ចជំនាញខណ្ឌ បានចុះទៅកន្លែងកើតហេតុរួចរាយការណ៍នគរបាលជំនាញចុះមុខវាស់វែងរួចនាំយករថយន្តម៉ូតូនិងអ្នកបើកបរទៅកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមច្បាប់៕
ចែករំលែកព័តមាននេះ