ខេត្តស្វាយរៀង ៖ គ្រោះថ្នាក់ចរាចរណ៍ដ៏អាក្រក់រថយន្តកុងតឺន័របុកជាមួយរថយន្តក្រុងដឹកកម្មករកម្មការនីរោងចក្រពេញទំហឹងលាន់ដូចរន្ទះ បណ្តាលឲ្យស្ត្រី២នាក់អង្គុយក្នុងកាប៊ីនមុខបាក់ជើងធ្ងន់ធ្ងរ រីឯអ្នកបើកបររបួសស្រាល។ករណីនេះបានកើតឡើងនៅវេលាម៉ោង៦និង១០នាទីព្រឹកថ្ងៃទី៩មករា២០២៦នៅលើកំណាត់ផ្លូវជាតិលេខ១៣ស្ថិតនៅភូមិត្រពាំងដំរីឃុំកំពង់អំពឹលស្រុករំដួល។
បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញរថយន្តក្រុង១គ្រឿងម៉ាកហ៊ីយ៉ាន់ដាយពាក់ស្លាកលេខ ព្រះសីហនុ 3A-9557 បើកបរពីទឹសខាងជើងទៅត្បូងលុះមកដល់ចំណុចកើតហេតុខាងលើក៏មានគោយន្តកែឆ្នៃដឹកទឹកកក១គ្រឿងបើកវ៉ាជែងផ្លូវកោងក្រឡាប់ផ្ងាជើងចាក់ទឹកកកចោលពេញផ្លូវ ស្របពេលនោះក៏មានរថយន្តកុងតឺន័រសណ្តោងរឺម៉ក១គ្រឿងទៀតបើកបញ្ច្រាសទិសគ្នាបានបុកចំពីមុខពេញទំហឹង បណ្តាលឲ្យកម្មការិនី២នាក់អង្គុយនៅក្នុងកាប៊ីនមុខបាក់ជើងធ្ងន់ធ្ងរចំណែកអ្នកបើកបរនិងអ្នករួមដំណើររបួសធ្ងន់ស្រាលជាច្រើននាក់ (កម្មករកម្មការនីជិះនៅលើរថយន្ត៤៥នាក់)។
ចំណែកអ្នកបើកបររថយន្តកុងតឺន័រមិនមានរងរបួសទេ ក្រោយពេលកើតហេតុបានរត់គេចខ្លួនបាត់ស្រមោល។
បន្ទាប់មករថយន្តសាមុយមន្ទីរពេទ្យបង្អែកស្រុករំដួលដឹកបញ្ជូនជនរងគ្រោះមកមន្ទីរពេទ្យខេត្តដើម្បីសង្គ្រោះ។សមត្ថកិច្ចបានធ្វើការវាស់វែងរួចយករថយន្តទាំពីរមកអធិការដ្ឋាននគបាលស្រុករំដួលដើម្បីដោះស្រាយតាមនីតិវិធី៕
ចែករំលែកព័តមាននេះ