កម្ពុជាចាប់ខ្លួនអ្នកជំនួញលោក ចេន ហ្សី និងបក្សពួក ២នាក់ទៀត បញ្ជូនទៅប្រទេសចិនវិញ
រាជធានីភ្នំពេញ ៖ ឧកញ៉ា ចេន ហ្សី (Chen Zhi) ជាម្ចាស់សម្ព័ន្ធក្រុមហ៊ុន ព្រីនស៍ គ្រុប…
រាជធានីភ្នំពេញ ៖ ឧកញ៉ា ចេន ហ្សី (Chen Zhi) ជាម្ចាស់សម្ព័ន្ធក្រុមហ៊ុន ព្រីនស៍ គ្រុប និងបក្សពួកចំនួន២នាក់ទៀត ត្រូវបានចាប់ខ្លួននៅប្រទេសកម្ពុជា ហើយបញ្ជូនទៅកាន់ប្រទេសចិនវិញ ។
ក្រសួងមហាផ្ទៃ បានប្រកាសនាយប់ ថ្ងៃទី០៧ ខែមករា ឆ្នាំ២០២៦នេះថា ៖ ក្នុងក្របខ័ណ្ឌនៃកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន និងផ្អែកតាមសំណើរបស់អាជ្ញាធរ មានសមត្ថកិច្ចនៃប្រទេសចិន សមត្ថកិច្ចកម្ពុជា បានចាប់ខ្លួនពលរដ្ឋចិនចំនួន៣នាក់ រួមមាន ឈ្មោះ Chen Zhi ឈ្មោះ Xu Ji Liang និង ឈ្មោះ Shao Ji Hui បញ្ចូនទៅកាន់ប្រទេសចិនវិញ ។
ក្រសួងមហាផ្ទៃបានបន្តថា ប្រតិបត្តិការនេះ បានធ្វើឡើង កាលពីថ្ងៃទី៦ ខែមករា ឆ្នាំ២០២៦ បន្ទាប់ពីសមត្ថកិច្ចនៃព្រះរាជាណាចក្រកម្ពុជា និងសមត្ថកិច្ចចិន បានសហការស៊ើបអង្កេតរួមគ្នា អស់រយៈពេលជាច្រើនខែ ។
លោក Chen Zhi ត្រូវបានព្រះមហាក្សត្រ ចេញព្រះរាជក្រឹត្យដកសញ្ញាតិខ្មែរ ដោយផ្អែកតាមច្បាប់សញ្ជាតិ ព្រះរាជាណាចក្រកម្ពុជា កាលពីខែធ្នូ ឆ្នាំ២០២៥ ៕
ចែករំលែកព័តមាននេះ