ខេត្តស្ទឹងត្រែង ៖ រូបសំណាកគ្រួសារសត្វផ្សោតដ៏ប្រណិតដែលត្រូវបានសាងសង់ឡើងនៅចំកណ្តាល សួនបវរធិបតី នៃក្រុងស្ទឹងត្រែង កំពុងក្លាយជាបង្គោលចង្អុលបង្ហាញពី ភាពរីកចម្រើនយ៉ាងឆាប់រហ័ស និងជាសក្តានុពលទេសចរណ៍ដ៏សំខាន់របស់ខេត្តស្ទឹងត្រែង។ រូបសំណាកនេះត្រូវបានសម្ពោធនិងបង្ហាញសម្រស់យ៉ាងគគ្រឹកគគ្រេងជាមួយនឹងការបាញ់ទឹកយ៉ាងស្រស់ស្អាត ក្នុងឱកាសឆ្លងឆ្នាំសកល២០២៥…
ខេត្តស្ទឹងត្រែង ៖ រូបសំណាកគ្រួសារសត្វផ្សោតដ៏ប្រណិតដែលត្រូវបានសាងសង់ឡើងនៅចំកណ្តាល សួនបវរធិបតី នៃក្រុងស្ទឹងត្រែង កំពុងក្លាយជាបង្គោលចង្អុលបង្ហាញពី ភាពរីកចម្រើនយ៉ាងឆាប់រហ័ស និងជាសក្តានុពលទេសចរណ៍ដ៏សំខាន់របស់ខេត្តស្ទឹងត្រែង។
រូបសំណាកនេះត្រូវបានសម្ពោធនិងបង្ហាញសម្រស់យ៉ាងគគ្រឹកគគ្រេងជាមួយនឹងការបាញ់ទឹកយ៉ាងស្រស់ស្អាត ក្នុងឱកាសឆ្លងឆ្នាំសកល២០២៥ ចូល២០២៦ កាលពីថ្ងៃទី០១ ខែមករា ឆ្នាំ២០២៦។
ប្រធានមន្ទីរទេសចរណ៍ខេត្តស្ទឹងត្រែង លោក អ៊ុន ប៉ោសឿន បានគូសបញ្ជាក់ថា សមិទ្ធផលថ្មីនេះកើតចេញពីការដឹកនាំស្ថាបនាឡើងដោយផ្ទាល់របស់ ឯកឧត្តម ស សុពុត្រា អភិបាលខេត្ត ដែលបានប្រែក្លាយទីក្រុងឲ្យមានភាពបៃតងស្រស់បំព្រង។
លលោកប្រធានមន្ទីរបានអំពាវនាវថា: ដើម្បីទទួលបានចំណាត់ថ្នាក់ល្អក្នុងការប្រកួតប្រណាំ
ង «ទីក្រុងស្អាត» និងដណ្តើមបាន ពានផ្ការំដួល នៅដើមឆ្នាំ២០២៦នេះ លោកបានអំពាវនាវដល់ប្រជាពលរដ្ឋ និងអាជីវករទាំងអស់ ឲ្យចូលរួមថែរក្សាបរិស្ថានឲ្យបានល្អប្រសើរ។
អភិបាលក្រុងស្ទឹងត្រែងលោក សាយ កុសល បានដាក់ចេញនូវវិធានការតឹងរ៉ឹងដើម្បីថែរក្សាសោភ័ណភាពសួន៖បញ្ឈប់ការរុញរទេះដឹកឥវ៉ាន់មកលក់ដូរលើសួន។បញ្ឈប់ការយករថយន្តមកចតចោលនៅជុំវិញសួន។បញ្ឈប់ការយកសំរាមមកដាក់លើសួន។
សូមបញ្ជាក់ថា៖សមិទ្ធផលទាំងនេះត្រូវបានគេរំពឹងថា នឹងអាចទាក់ទាញភ្ញៀវទេសចរជាតិ-
អន្តរជាតិយ៉ាងច្រើនកុះករ ពិសេសក្នុងឱកាសបុណ្យចូលឆ្នាំខាងមុខ។ សួនបវរធិបតីក៏ស្ថិតនៅក្បែរទីតាំងទេសចរណ៍សំខាន់ៗជាច្រើនទៀតក្នុងក្រុងដែលបានផ្តល់អោយប្រជាពលរដ្ឋនៅការហាត់ប្រាណថ្មើជើងជុំវិញសួនផងដែរ។
រូបសំណាកគ្រួសារផ្សោត និងសួនបវរធិបតី គឺជាសោភ័ណភាពថ្មីដែលបង្ហាញពី បេះដូងស្មោះស្ម័គ្រ របស់ថ្នាក់ដឹកនាំខេត្ត ក្នុងការជំរុញឲ្យស្ទឹងត្រែងរីកចម្រើន៕
ចែករំលែកព័តមាននេះ