សង្គ្រាមអ៊ុយក្រែន ៖ អ៊ុយក្រែនអះអាងនាថ្ងៃទី២៥ធ្នូថា បានវាយប្រហារលើទីតាំងឧស្ម័ននិងប្រេងជាច្រើនកន្លែងរបស់រុស្ស៊ីដោយមីស៊ីលអង់គ្លេសSTORM SHANDOW និងដ្រូនអ៊ុយក្រែនរយៈឆ្ងាយ ។ ក្នុងសេចក្ដីប្រកាសមួយតាមបណ្ដាញសង្កមX សេនាធិការដ្ឋានកងទ័ពអ៊ុយក្រែននិយាយថា រោងចក្រចម្រាញ់ប្រេងកាតNOVOSHAKHTINSK…
សង្គ្រាមអ៊ុយក្រែន ៖ អ៊ុយក្រែនអះអាងនាថ្ងៃទី២៥ធ្នូថា បានវាយប្រហារលើទីតាំងឧស្ម័ននិងប្រេងជាច្រើនកន្លែងរបស់រុស្ស៊ីដោយមីស៊ីលអង់គ្លេសSTORM SHANDOW និងដ្រូនអ៊ុយក្រែនរយៈឆ្ងាយ ។
ក្នុងសេចក្ដីប្រកាសមួយតាមបណ្ដាញសង្កមX សេនាធិការដ្ឋានកងទ័ពអ៊ុយក្រែននិយាយថា រោងចក្រចម្រាញ់ប្រេងកាតNOVOSHAKHTINSK ជារោងចក្រចម្រាញ់ប្រេងកាតសំខាន់មួយស្ថិតក្នុងតំបន់រ៉ូស្តូវ រងការវាយប្រហារដោយមីសីុលបណ្ដែតSTORM SHANDOW របស់អង់គ្លេសកាលពីដើមរសៀល ហើយបណ្ដាលឲ្យមានការផ្ទុះឆេះជាច្រើន ។
អាវុធប្រភេទនេះធ្លាប់ប្រើជាច្រើនលើករួចមកហើយលើដែនដីរុស្ស៊ី ពិសេសសំដៅបណ្ដាទីតាំងឧស្សាហកម្ម។ តាមសេចក្ដីប្រកាសនោះថា បណ្ដាកងឯកភាពនៃកងទ័ពអាកាសអ៊ុយក្រែន បានវាយប្រហារដោយជោគជ័យ រោងចក្រចម្រាញ់ប្រេងកាតNOVOSHAKHTINSK ក្នុងតំបន់រ៉ូស្តូវនសសហព័ន្ធរុស្ស៊ី ។ ជាមួយមីស៊ីលបណ្ដែតSTORM SHANDOWបាញ់ចេញពីអាកាស ។
សេនាធិការដ្ឋានកងទ័ពអ៊ុយក្រែនពន្យល់ថា រោងចក្រចម្រាញ់ប្រេងកាតNOVOSHAKHTINSK ជាអ្នកផ្គត់ផ្គង់សំខាន់មួយផលិតផលប្រេងនាភាគខាងត្បូងរុស្ស៊ី ហើយជាអ្នកចូលរួមដោយផ្ទាល់ការផ្គត់ផ្គង់ ដល់កងទ័ពរុស្ស៊ីពិសេសប្រេងម៉ាស៊ូត និងប្រេងកេរ៉ូហ្សែនសម្រាប់យន្តហោះ។
នាថ្ងៃជាមួយគ្នានោះដែរបណ្ដាដ្រូនផលិតដោយអ៊ុយក្រែន បានប្រើវាយប្រហារបណ្ដាអាងស្តុកប្រេង នៅកំពង់ផែTEMRIUK ក្នុងតំបន់ក្រាស្នូដា បណ្ដាលឲ្យមានភ្លើងឆាបឆេះ ដោយអណ្ដាតភ្លើងរាតត្បាតក្នុងទំហំ ប្រមាណជា២០០០ម៉ែត្រក្រឡា។ ភ្នាក់ងារសន្តិសុខអ៊ុយក្រែនក៏អះអាងផងដែរ ពីការវាយប្រហាររោងចក្រចម្រាញ់ឧស្ម័នមួយនៅអូរេនប៊ួរភាគនិរតីរុស្ស៊ី ស្ថិតនៅចម្ងាយប្រមាណជា១៤០០គីឡូម៉ែត្រពីព្រំដែនអ៊ុយក្រែន ដែលនោះជាទីតាំងឧស្ម័នដ៏ធំបំផុតមួយនៃពិភពលោក។
ចាប់តាំងពីខែសីហាមកអ៊ុយក្រែនបានបង្កើនការវាយប្រហារ លើបណ្ដាទីតាំងប្រងនិងឧស្ម័នរុស្ស៊ី ដើម្បីកាត់បន្ថយចំណូលពីប្រេងរបស់រុស្ស៊ី ជាចំណូលសំខាន់សម្រាប់ផ្គត់ផ្គង់សង្គ្រាម។
កាលពីថ្ងៃទី២២ធ្នូអ៊ុយនក្រែនបានធ្វើការវាយប្រហារជាច្រើនប្រឆាំងបណ្ដាគោលដៅរុស្ស៊ី។ ការវាយប្រហាររបស់អ៊ុយក្រែនសំដៅជាពិសេស ទីតាំងប្រេងរបស់ក្រុមហ៊ុនTAMANNEFTEGAZ បណ្ដាលឲ្យមានការខូចខាត។ នេះបើតាមការអះអាងរបស់បណ្ដាអ្នកទទួលខុសត្រូវអ៊ុយក្រែន ។
ក្នុងសេចក្ដីប្រកាសមួយអ្នកទទួលខុសត្រូវអ៊ុយក្រែនទាំងនេះគូសបញ្ជាក់ថា នៅតំបន់ក្រាស្នូដាភាគខាងត្បូងរុស្ស៊ី បំពង់បង្ហូរប្រេងមុយនិងនាវារុស្ស៊ី២គ្រឿងរងការវាយប្រហារបណ្ដាលឲ្យមានភ្លើងឆេះខ្លាំង ។
បណ្ដាអ្នកទទួលខុសត្រូវអ៊ុយក្រែនមិនបញ្ជាក់ថា តើប្រព័ន្ធអាវុធអ្វីដែលខ្លួនប្រើវាយប្រហារឡើយ ។ មីស៊ីលមួយគ្រាប់ដែលអ៊ុយក្រែនផលិតដោយខ្លួនឯងបានប្រើវាយប្រហារ ទីតាំងបណ្ដោះអាសន្នមួយរបស់កងពលតូចលេខ៩២ទាហានជើងទឹករុស្ស៊ីនៅអូលីនីវកា ក្នុងឧបទ្វីបគ្រីមេដែលរុស្ស៊ីកាន់កាប់ ។
ការវាយប្រហារមួយទៀតសំដៅលើឃ្លាំងគ្រាប់មួយ ក្នុងតំបន់រុស្ស៊ីកាន់កាប់នៅដូណេតស្ក៍ ក្នុងគោលបំណងរារាំងការរុលទៅមុខរបស់កងទ័ពរុស្ស៊ីនៅតំបន់នោះ ។ ទីតាំងបញ្ជូនដ្រូនរុស្ស៊ីមួយកន្លែង ក៏រងការខូចខាតដែរ។ ក្នុងការវាយប្រហារដាច់ដោយឡែកមួយទៀត របស់អ៊ុយក្រែនក៏បណ្ដាល ឲ្យឆេះយន្តហោះប្រដេញ២គ្រឿងរបស់កងទ័ពរុស្ស៊ី កាលពីយប់ថ្ងៃទី២១ធ្នូ នៅព្រលានយន្តហោះមួយស្ថិតនៅជិតក្រុងលីពីតស្ក៍ភាគខាងលិចរុស្ស៊ី ៕
ចែករំលែកព័តមាននេះ