សម្ដេចពិន សែម នាំយកគ្រឿងឧបភោគបរិភោគ និងសម្ភារប្រើប្រាស់ ទៅចែកជូនជនភៀសសឹកនៅវត្តចំនួន៣
- សៀមរាប
ខេត្តសៀមរាប ៖ ថ្ងៃទី២៥ ខែធ្នូ ឆ្នាំ២០២៥ សម្ដេចព្រះព្រហ្មរតនៈមុនី ពិន សែម សិរីសុវណ្ណោ ព្រះប្រធានថេរសភាព្រះពុទ្ធសាសនា…
ខេត្តសៀមរាប ៖ ថ្ងៃទី២៥ ខែធ្នូ ឆ្នាំ២០២៥ សម្ដេចព្រះព្រហ្មរតនៈមុនី ពិន សែម សិរីសុវណ្ណោ ព្រះប្រធានថេរសភាព្រះពុទ្ធសាសនា នៃព្រះរាជណាចក្រកម្ពុជា សម្ដេចព្រះចៅ អធិ ការវត្តរាជបូណ៌ក្រុងសៀមរាប ព្រះតេជ គុណ រឿន បូរគង់ នៅប្រទេសអូស្ត្រាលី បាននាំយកអំណោយចែកជូនដល់មណ្ឌលភៀសសឹក ៣ទីតាំងមណ្ឌលសុវត្ថិភាពក្នុងស្រុកក្រឡាញ់ ខេត្តសៀមរាប រួមមានទីតាំងទី១វត្តបុទុម្មរតនញ្ញាណហៅ(វត្តស្រណាល)ឃុំស្រណាល ទី តាំងទី២ វត្តពោធិ៍ក្រឡាញ់ ឃុំក្រឡាញ់ និងទីតាំងទី៣ វត្តធម្មរង្សីសំពៅលូន ឃុំក្រឡាញ់។
អំណោយក្នុងមួយទីតាំងចំនួន២២០ គ្រួសារ ដោយក្នុងមួយគ្រួសារទទួលបានអង្ករ ១០គីឡូក្រាម ទឹកសុទ្ធ ១កេសគ្រឿងឧបភោគ បរិភោគ ០១កញ្ចប់ស្បៀង(ភួយ១.ម៉ាស់១ ប្រអប់ មី១កញ្ចប់ សាប៊ូ៤កញ្ចប់ កាហ្វេ៥ កញ្ចប់ ត្រីខ០៦កំប៉ុង នំរូបត្រី១គីឡូ នំសាគូរា៤កញ្ចប់ សាប៊ូលាងចាន២ដប ទឹកដោះគោក្មេង៣កញ្ចប់ តែទឹកដោះគោ៣កញ្ចប់)។
រដ្ឋបាលខេត្តសៀមរាប សូមគោរពថ្លែងអំរណគុណយ៉ាងជ្រាលជ្រៅបំផុតចំពោះទឹកចិត្តដ៏ថ្លៃថ្លាសម្ដេចព្រះព្រហ្មរតនៈមុនី សិរីសុវណ្ណោ ព្រមទាំងព្រះតេជគុណនៅប្រទេសអូស្ត្រាលីដែលបានចូលរួមឧបត្ថម្ភសម្រាប់ប្រជាជនដែលបានជម្លៀសពីតំបន់សមរភូមិចូលមកភូមិសាស្ត្រខេត្តសៀមរាប ដោយទឹកចិត្តស្មោះសរក្នុងការរួបរួមជាតិខ្មែរជាធ្លុងមួយដោយស្មារតីខ្មែរជួយខ្មែរក្នុងគ្រាលំបាក៕
ចែករំលែកព័តមាននេះ