រាជធានីភ្នំពេញ ៖ ជនបរទេស វ័យចំណាស់ម្នាក់ មិនដឹងមានវិបត្តិអ្វីនោះទេ បានលោតពីជាន់ទី១៧ នៅសណ្ឋាគារមួយកន្លែង ចុះមកក្រោម បណ្ដាលឲ្យស្លាប់ភ្លាមៗ ។…
រាជធានីភ្នំពេញ ៖ ជនបរទេស វ័យចំណាស់ម្នាក់ មិនដឹងមានវិបត្តិអ្វីនោះទេ បានលោតពីជាន់ទី១៧ នៅសណ្ឋាគារមួយកន្លែង ចុះមកក្រោម បណ្ដាលឲ្យស្លាប់ភ្លាមៗ ។
ហេតុការណ៍នេះកើតឡើងកាលពីវេលាម៉ោង១រសៀលថ្ងៃទី១៩ ខែធ្នូ ឆ្នាំ២០២៥ ចំណុចសណ្ឋាគារ អិច វ័ន លើបណ្តោយផ្លូវព្រះស៊ីសុវត្ថិ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ជនរងគ្រោះ នៅមិនទាន់ស្គាល់ឈ្មោះនៅឡើយ ភេទប្រុស អាយុប្រហែល៥០ឆ្នាំ ជនជាតិបរទេស មានសម្បុរស ស្លៀកខោជើងខ្លី ពណ៍ត្រេអ៊ី ពាក់អាវយឺតដៃខ្លី ពណ៍ស ទើបតែមកជួល ដើម្បីស្នាក់នៅចំណុចទីតាំងកើតហេតុ ។
ប្រភពព័ត៌មានពីមន្ត្រីជំនាញ បានអោយដឹងថា មុនកើតហេតុ មានជនបរទេស វ័យចំណាស់ម្នាក់ គេមិនដឹងថា មានវិបត្តិអ្វីនោះឡើយ បានដើរតាមផ្លូវ រួចក៏ដើរចូលទៅកាន់សណ្ឋាគារ អិច វ័ន ហើយធ្វើការជួលបន្ទប់ ដើម្បីស្នាក់នៅជាន់ទី១៧ ។ លុះមួយសន្ទុះក្រោយមក ក៏លោតចុះមកក្រោម បណ្តាលអោយបែកក្បាលស្លាប់តែម្តង។ ភ្លាមៗ ប្រជាពលរដ្ឋបានប្រញាប់រាយការណ៍ជូនសមត្ថកិច្ចមូលដ្ឋាន ដើម្បីចុះមកហ៊ុមព័ទ្ធទីតាំងខាងលើផងដែរ ។
ក្រោយកើតហេតុ សមត្ថកិច្ចមូលដ្ឋាន រួមនគរបាលជំនាញកោសល្យវិច័យសព ដើម្បីសន្និដ្ឋានស្វែងរកមូលហេតុផងដែរ រួចបានយកទៅវត្ត ៕
ចែករំលែកព័តមាននេះ