សហរដ្ឋអាមេរិក ៖ នៅសហរដ្ឋអាមេរិកការស៊ើបអង្កេតពីរឿងមនុស្សឃាតមួយបានត្រូវបើកធ្វើក្រោយការស្លាប់់ដោយគ្រាប់កាំភ្លើង សាស្ត្រាចារ្យសាកលវិទ្យាល័យល្បីមួយ គឺសាកលវិទ្យាល័យ MASSACHUSETTS INSTITUT OF TECH-NOLOGY(MIT) កាលពីព្រឹកថ្ងៃទី១៦…
សហរដ្ឋអាមេរិក ៖ នៅសហរដ្ឋអាមេរិកការស៊ើបអង្កេតពីរឿងមនុស្សឃាតមួយបានត្រូវបើកធ្វើក្រោយការស្លាប់់ដោយគ្រាប់កាំភ្លើង សាស្ត្រាចារ្យសាកលវិទ្យាល័យល្បីមួយ គឺសាកលវិទ្យាល័យ MASSACHUSETTS INSTITUT OF TECH-NOLOGY(MIT) កាលពីព្រឹកថ្ងៃទី១៦ ធ្នូ ។
ឃាតកម្មនោះ កើតមាននៅក្រុងBROOKLINE ដែលប៉ូលិសបានចេញធ្វើអន្តរាគមន៍កាលពីយប់ថ្ងៃទី១៥ ធ្នូ បន្ទាប់ពីការរាយការណ៍ពីបុរសម្នាក់របួសធ្ងន់នៅផ្ទះរបស់គេ។ នេះបើតាមការអះអាងរបស់ការិយាល័យរដ្ឋអាជ្ញា ។ នាំមកកាន់មន្ទីរពេទ្យ លោកសាស្ត្រាចារ្យ NUNO LOUREIRO អាយុ៤៧ឆ្នាំ មិនអាចជួយសង្គ្រោះបានដោយលោកស្លាប់ព្រោះរបួសធ្ងន់ធ្ងរពេក ។ មានដើមកំណើតព័រទុយហ្គាល់ លោកជាសាស្ត្រាចារ្យសាកលវិទ្យាល័យ MIT ចាប់តាំងពីឆ្នាំ២០១៦មក ។ លោកជាអ្នកបង្រៀនខាងវិទ្យាសាស្ត្រ និងវិស្វកម្មនុយក្លេអ៊ែរព្រមទាំងរូបវិទ្យា ។ សាកលវិទ្យាល័យនោះ បានអះអាងពីការស្លាប់របស់លោក ។
ក្នុងដំណាក់កាលនេះ អាជ្ញាធរបានបដិសេធឃាតកម្មនេះថា មិនទាក់ទិនជាមួយការបាញ់ប្រហារនៅសាកលវិទ្យាល័យBROWN ឡើយ ។ លោកទីតដុក មកពីប៉ូលិសសហព័ន្ធFBI ក្នុងសន្និសីទសារព័ត៌មានមួយថ្លែងថា ក្នុងដំណាក់កាលនេះ វាហាក់ដូចជាគ្មានទំនាក់ទំនងណាមួយជាមួយការបាញ់ប្រហារកាលពីថ្ងៃទី១៣ ធ្នូ នៅសាកលវិទ្យាល័យBROWN បណ្ដាលឲ្យមនុស្សស្លាប់២នាក់ និងរបួស៩នាក់ ដែលជនសង្ស័យមកទល់ពេលនេះ នៅរកមិនទាន់ឃើញនៅឡើយ ៕
ចែករំលែកព័តមាននេះ