ADផ្ទាំងផ្សព្វផ្សាយពាណិជ្ជកម្ម

បើកឡានដឹកគ្រឿងសមុទ្រងោកមួយភាំង បង្កគ្រោះថ្នា.ក់បុ.ករះឡាន៣គ្រឿង នៅមុខអតីតព្រលានយន្តហោះ

10 ម៉ោង មុន

ភ្នំពេញ
១៨ ខែ ធ្នូ ឆ្នាំ ២០២៥ ម៉ោង ០៩:២០

រាជធានីភ្នំពេញ ៖ បើករថយន្តដឹកគ្រឿងសមុទ្រងោកមួយភាំងរេចង្កូតបុករះរថយន្ត៣គ្រឿងចតលើចិញ្ចើមផ្លូវអ្នកបើករថយន្តដឹកគ្រឿងសមុទ្រអះអាងថាងោកមួយងាំងរេចង្កូតជ្រុលទៅបុករះរថយន្ត៣គ្រឿងដែលចតលើចិញ្ចើមផ្លូវបណ្ដាលឲ្យរងការខូចខាតរថយន្តយ៉ាងដំណំ នៅវេលាម៉ោង២រំលងអធ្រាត្រឈានចូលថ្ងៃទី១៨ ខែធ្នូ ឆ្នាំ២០២៥ ទល់មុខអតីតព្រលានយន្តហោះអន្តរជាតិភ្នំពេញ ផ្លូវសហព័ន្ធរុស្ស៊ី សង្កាត់កាកាបទី២ ខណ្ឌពោធិ៍សែនជ័យ…

តាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសម្នាក់បានបើករថយន្តម៉ាក ssangyong ពណ៌លឿង ពាក់ស្លាកលេខ ភ្នំពេញ 2CC 6564 បើកដឹកគ្រឿងសមុទ្រពេញមួយរថយន្តធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីត្បូងទៅជើង ល្បឿនលឿន លុះមកដល់ចំណុចកើតហេតុ ស្រាប់តែរេចង្កូតទៅខាងស្ដាំដៃ ជ្រុលទៅបុករះរថយន្តចំនួន៣គ្រឿងដែលចតនៅលើចិញ្ចើមផ្លូវបណ្ដាលឲ្យរងការខូចខាតយ៉ាងដំណំ ក្នុងនោះមានរថយន្តម៉ាក toyota prius ពណ៌ស ពាក់ស្លាកលេខ ភ្នំពេញ 2AG 0793 ខូចខាត មួយចំហៀងឆ្វេង រថយន្តម៉ាក toyota alphard ពណ៌ខ្មៅ ពាក់ស្លាកលេខ ភ្នំពេញ 2BT 2638 រងការខូចខាតធ្ងន់ធ្ងរ ដោយផ្ទប់នឹងដើមឈើ និងរថយន្តមួយគ្រឿងទៀតម៉ាក toyota prius ពណ៌ទឹកប្រាក់ ពាក់ស្លាកលេខ ភ្នំពេញ 2BT 4972 រងការខូចខាតផ្នែកខាងក្រោយ តែក្នុងហេតុការណ៍នេះមិនមានគ្រោះថ្នាក់ដល់មនុស្សណាម្នាក់នោះទេ ។

ដោយឡែករថយន្ត ssangyong វិញខូចខាតខ្ទេចផ្នែកខាងមុខមួយចំហៀងខាងស្ដាំ ហើយអ្នកបើកបរ បាននិយាយថា គាត់បើករថយន្តដឹកគ្រឿងសមុទ្រ ចេញពីកំពង់សោម យកអោយម៉ូយនៅម្តុំផ្សារធំថ្មី លុះមកដល់ចំណុចកើតហេតុ ងោកមួយភាំង ទើបធ្វើអោយជួបគ្រោះថ្នាក់បែបនេះទៅ ។

ក្រោយកើតហេតុ មិនអាចដោះស្រាយគ្នាបានភ្លាមៗ មធ្យោបាយទាំងអស់ត្រូវសមត្ថកិច្ចជំនាញចរាចរណ៍វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដំណោះស្រាយនៅពេលក្រោយជាបន្តទៀត ៕