យោងតាមការផ្សាយរបស់មន្ទីរពេទ្យកាល់ម៉ែត បានលើកឡើងពីភាពចាំបាច់ក្នុងការស្វែងយល់អំពីរោគសញ្ញានៃ ជំងឺរលាកលំពែងស្រួចស្រាវ ដែលជាជំងឺមួយអាចបង្កគ្រោះថ្នាក់ធ្ងន់ធ្ងរដល់អាយុជីវិត ប្រសិនបើមិនបានទទួលការព្យាបាលទាន់ពេលវេលា។
ជំងឺរលាកលំពែងស្រួចស្រាវ គឺជាការរលាកភ្លាមៗនៃក្រពេញលំពែង ដែលបង្កឱ្យមានការឈឺចាប់ខ្លាំង។ ដូច្នេះ ប្រសិនបើមានរោគសញ្ញាណាមួយខាងក្រោមនេះ សូមប្រញាប់ទៅពិគ្រោះជាមួយគ្រូពេទ្យជាបន្ទាន់៖
រោគសញ្ញាប្រុងប្រយ័ត្ននៃជំងឺរលាកលំពែងស្រួចស្រាវ៖
ឈឺចុកចាប់ក្នុងពោះខ្លាំងក្លាភ្លាមៗ: ជាពិសេសនៅតំបន់ចុងដង្ហើម ហើយអាចរាលដាលដល់ខ្នង (រោគសញ្ញាសំខាន់)។
ក្អួតចង្អោរ: ជារឿយៗអមដោយអាការៈឈឺពោះ។
ការទល់ខ្យល់ និងលាមក: បង្ហាញពីបញ្ហាក្នុងប្រព័ន្ធរំលាយអាហារ។
គ្រុនក្តៅ (ឡើងកម្តៅខ្លួន): ជាសញ្ញានៃការរលាកឬឆ្លងមេរោគក្នុងរាងកាយ។
ហត់ដង្ហក់ពិបាកដកដង្ហើម: អាចកើតឡើងក្នុងករណីធ្ងន់ធ្ងរ។
ដំបូន្មានសំខាន់: ការឈឺចាប់ខ្លាំងនៅពោះផ្នែកខាងលើ គឺជាសញ្ញាដាស់តឿនដ៏ធំ។ កុំធ្វេសប្រហែស! ការស្វែងរកការពិនិត្យនិងព្យាបាលទាន់ពេលវេលាពីគ្រូពេទ្យឯកទេស គឺជាគន្លឹះដើម្បីជួយសង្គ្រោះជីវិតអ្នកជំងឺ៕
ចែករំលែកព័តមាននេះ