ខេត្តព្រះសីហនុ ៖ សមត្ថកិច្ចនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលខេត្តព្រះសីហនុបានឲ្យដឹងថា នៅវេលាម៉ោង៩ និង៣០នាទីព្រឹកថ្ងៃទី១២ ខែធ្នូ ឆ្នាំ២០២៥ មានករណីអគ្គិភ័យឆាបឆេះចេញផ្សែងខ្មួលខ្មាញ់ចំកណ្តាលក្រុងអគារស្នាក់នៅមួយកន្លែងមានទីតាំងស្ថិតនៅខាងក្រោយចំណតរថយន្តទីប្រជុំជនផ្សារលើស្ថិតក្នុងក្រុម៧ ភូមិ១…
ខេត្តព្រះសីហនុ ៖ សមត្ថកិច្ចនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលខេត្តព្រះសីហនុបានឲ្យដឹងថា នៅវេលាម៉ោង៩ និង៣០នាទីព្រឹកថ្ងៃទី១២ ខែធ្នូ ឆ្នាំ២០២៥ មានករណីអគ្គិភ័យឆាបឆេះចេញផ្សែងខ្មួលខ្មាញ់ចំកណ្តាលក្រុងអគារស្នាក់នៅមួយកន្លែងមានទីតាំងស្ថិតនៅខាងក្រោយចំណតរថយន្តទីប្រជុំជនផ្សារលើស្ថិតក្នុងក្រុម៧ ភូមិ១ សង្កាត់លេខ០២ ក្រុងព្រះសីហនុ់ ។
ប្រភពខាងលើបានឲ្យដឹងបន្ថែមទៀតថា ម្ចាស់អគារខាងលើ ឈ្មោះ ឡា វាសនា ភេទប្រុស.អាយុ៣៥ឆ្នាំ ជនជាតិខ្មែរ ។ ករណីឆាបឆេះបន្ទប់មានទំហំ៦×៨ម៉ែត្រជាន់ផ្ទាល់ដីផ្នែកខាងក្នុងដាក់សម្ភារប្រើប្រាស់ខូចខាតអស់ទាំងស្រុង ។ នៅក្នុងករណីអគ្គិភ័យឆាបឆេះអគារខាងលើនេះបណ្តាលឲ្យរងរបួសមនុស្សចំនួន០២នាក់ មានឈ្មោះដូចខាងក្រោម.៖
១-ឈ្មោះ អិប សាវន់ ភេទស្រី អាយុ៤៧ឆ្នាំ មុខរបរជាងសំណង់ (ត្រូវជាម្តាយ) ២-ឈ្មោះ ខេវិន ភេទប្រុស អាយុ១ឆ្នាំ បានបញ្ជូនទៅសម្រាកព្យាលនៅមន្ទីរពេទ្យបង្អែកខេត្តព្រះសីហនុ (ពេទ្យចំការចេក) មិនមានមនុស្សណាម្នាក់ស្លាប់បាត់បង់អាយុជីវិតទេ ។
នៅក្នុងប្រតិបត្តិការក្នុងការជួយសង្គ្រោះអគារ ដែលត្រូវអគ្គិភ័យកំពុងលេបត្របាក់បញ្ចេញផ្សែងខ្មៅខ្មួលខ្មាញ់យ៉ាងសន្ធោសន្ធៅខាងលើនេះ កម្លាំងនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលខេត្តព្រះសីហនុ បានប្រើប្រាស់រថយន្តចំនួន០៣គ្រឿងប្រើប្រាស់ទឹកអស់ចំនួន០២រថយន្ត ស្មើនិង១៦ម៉ែត្រគូប និងរថយន្តបង្ការ និងពន្លត់អគ្គិភ័យទីបញ្ជាការកងរាជអាវុធហត្ថខេត្តព្រះសីហនុ ប្រើប្រាស់់រថយន្តចំនួន០២គ្រឿង ប្រើប្រាស់ទឹកអស់ចំនួន០១រថយន្តស្មើនិង៤ម៉ែត្រគូប, រថយន្តបង្ការនិងពន្លត់អគ្គិភ័យអង្គភាព៩១១ប្រើប្រាស់រថយន្ត០១គ្រឿងប្រើប្រាស់ទឹកអស់០១រថយន្ត ស្មើនិង៤ម៉ែត្រគូប ដោយប្រើប្រាស់ពេលវេលាប្រមាណជា១,៣០នាទី ត្រូវរលត់ជាស្ថាពរ មិនមានឆ្លងរាលដាលបន្តទៀត។
ដោយឡែក ចំពោះមូលហេតុនៃការបង្កឱ្យមានអគ្គិភ័យឆាបឆេះនេះ សមត្ថកិច្ចកំពុងបន្តការស្រាវជ្រាវបន្ថែម ។
ចែករំលែកព័តមាននេះ