រាជធានីភ្នំពេញ ៖ លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក) បានប្រកាសនៅលើបណ្តាញសង្គមរបស់លោកនាព្រឹកថ្ងៃទី១២ ខែធ្នូ ឆ្នាំ២០២៥នេះថា…
រាជធានីភ្នំពេញ ៖ លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក) បានប្រកាសនៅលើបណ្តាញសង្គមរបស់លោកនាព្រឹកថ្ងៃទី១២ ខែធ្នូ ឆ្នាំ២០២៥នេះថា ៖ ខ្ញុំចូលចិត្តគិត និងវិភាគមុនព្រឹត្តិការណ៍កើតឡើង ។ អានុទីននិយាយថា ប្រគល់អំណាចឲ្យប្រជាជនវិញ តាមរយ:នៃការរំលាយរដ្ឋសភាដើម្បីរៀបចំការបោះឆ្នោតសារជាថ្មី ។
លោក កែវ រ៉េមី បានបញ្ជាក់ថា តាមការវិភាគរបស់ខ្ញុំ អានុទីននឹងមិនអាចវិលត្រឡប់មកកាន់អំណាចម្តងទៀតបានទេ ពីព្រោះការសង្ឃឹមទុកជាមុនរបស់អានុទីន ក្នុងការស្តារប្រជាប្រិយភាពរបស់ខ្លួន ដោយមានការគប់គិតជាមួយយោធាក្នុងការឈ្លានពានកម្ពុជាមិនអាចស្តារបានទេ ។
ទី១: ប្រជាជនភាគច្រើន អ្នកប្រកបអាជីវកម្ម សិស្សនិស្សិត បញ្ញវ័ន្តថៃធុញទ្រាន់នឹងការដណ្តើមអំណាចគ្នា នៅក្នុងនយោបាយថៃ ។
ទី២: ពួកគេមិនគាំទ្រឲ្យមានអរិភាពជាមួយកម្ពុជា ដែលធ្វើឲ្យប៉ះពាល់ដល់ជីវភាពរស់នៅ បាត់ប្រាក់ចំណូលធ្វើឲ្យសេដ្ឋកិច្ចធ្លាក់ចុះ រីឯបញ្ញវ័ន្តថៃមានការខ្មាសអៀនបាត់បង់មុខមាត់ប្រទេសថៃនៅលើឆាកអន្តរជាតិ ។
ប្រជាជនថៃភាគច្រើនដឹងច្បាស់ថា កម្ពុជាមិនបានបង្កសង្គ្រាមជាមួយថៃទេដោយពួកគេនិយាយថា កាលពេលទឹកលិចដែលទាំងរដ្ឋាភិបាលក៏ដូចជា ទាហានថៃជាប់ដៃរវល់ជួយអន្តរាគមន៍ដល់ពួកគេ ពេលនោះ គេមិនបានឃើញទាហានកម្ពុជាបាញ់ផ្លោងបង្កសង្គ្រាមជាមួយថៃនោះទេ ។ ជារួម: ប្រជាជនថៃភាគច្រើនលើសលប់មិនចង់ឲ្យមានសង្គ្រាមជាមួយកម្ពុជានោះទេ លើកលែងតែក្រុមជ្រុលនិយម ពួកអាមាត្យថៃ និងទាហានថៃ ។
សូមបញ្ជាក់ថា: ក្រុមល្មោភបង្កសង្គ្រាមជាមួយកម្ពុជានៅមិនទាន់ដឹងច្បាស់ពីចំណុចខ្លាំងបំផុតរបស់កម្ពុជា ដែលពួកគេបានមើលរំលង គឺកត្តាប្រជាជន ។
ក្រៅតែពីភាពខ្លាំងនៃចំណេះជំនាញ និងបទពិសោធន៍របស់ថ្នាក់ដឹកនាំរាជរដ្ឋាភិបាល គឺកត្តាសាមគ្គី និងកំហឹង ដែលបានមកពីការប្រមាថមាក់ងាយរបស់ក្រុមជ្រុលនិយមថៃ ធ្វើឲ្យស្រទាប់យុវជនទាំងក្មេង និងមនុស្សចាស់ប្រុសស្រីរួបរួមគ្នាយ៉ាងរឹងមាំចូលរួមបរិច្ចាកថវិកា សម្ភារ និងត្រៀមខ្លួនរួចជាស្រេច បើមានការអំពាវនាវឲ្យចូលបម្រើកងទ័ព ដើម្បីការពារទឹកដីពីការឈ្លានពាន និងការប្រមាថពីសត្រូវប្រវត្តិសាស្ត្រ ៕
ចែករំលែកព័តមាននេះ