សង្គ្រាមអ៊ុយក្រែន ៖ ប្រធានាធិបតីអាមេរិកលោកដូណាល់ត្រាំ ថ្លែងកាលពីថ្ងៃទី១០ ធ្នូ ថា បណ្ដាមេដឹកនាំអឺរ៉ុបចង់រៀបចំធ្វើកិច្ចប្រជុំមួយ ស្ដីពីអ៊ុយក្រែននាចុងសប្ដាហ៍នេះ តែលោកគូសបញ្ជាក់ថា ការចូលរួមរបស់អាមេរិកបែបគ្មានទេ…
សង្គ្រាមអ៊ុយក្រែន ៖ ប្រធានាធិបតីអាមេរិកលោកដូណាល់ត្រាំ ថ្លែងកាលពីថ្ងៃទី១០ ធ្នូ ថា បណ្ដាមេដឹកនាំអឺរ៉ុបចង់រៀបចំធ្វើកិច្ចប្រជុំមួយ ស្ដីពីអ៊ុយក្រែននាចុងសប្ដាហ៍នេះ តែលោកគូសបញ្ជាក់ថា ការចូលរួមរបស់អាមេរិកបែបគ្មានទេ ព្រោះយើងមិនចង់ឲ្យខាតពេលវេលាយើង។
លោកត្រាំក៏និយាយដែរថា លោកមានពាក្យពេចន៍ខ្លាំងបន្តិច ពេលជួបគ្នាតាមទូរស័ព្ទនាពេលមុននេះបន្តិច ជាមួយសមភាគីបារាំង លោកអេមម៉ានុយអែលម៉ាក្រុង នាយករដ្ឋមន្ត្រីអង់គ្លេសលោកគៀរស្ដាម័រនិងអធិការបតីអាល្លឺម៉ង់លោកហ្វ្រីអ៊ីឌ្រីកម័រ។ លោកត្រាំថ្លែងនៅសេតវិមានថា មុនពេលទៅចូលរួមក្នុងកិច្ចប្រជុំមួយ មានរឿងនានាដែលយើងចង់ដឹង។ យើងនឹងធ្វើសេចក្ដីសម្រេចចិត្តមួយចំពោះកិច្ចប្រជុំនេះ។ ជួនកាលយើងបណ្ដោយទុកឲ្យពួកគេច្បាំងគ្នាដល់ទីបញ្ចប់ហើយជួលកាលក៏អត់បណ្ដោយដែរ។
លោកត្រាំនាពេលថ្មីៗនេះបាននិយាយច្រើនលើកពីការអត់ធ្មត់របស់លោក ចំពោះប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គី ដោយរិះគន់ថាលោកហ្សេឡេនស្គីមិនទាំងមើលសំណើសន្តិភាពរបស់លោកផង។ ចំណែកក្រុងគៀវវិញប្រកាសថា បានប្រគល់កាលពីថ្ងៃទី ១០ធ្នូដល់សហរដ្ឋអាមេរិក នូវការបកស្រាយរបស់ខ្លួនលើផែនការសន្តិភាពនេះ ដែលសំដៅបញ្ច្ច្ប់សង្គ្រាមជាមួយរុស្ស៊ី។ អ្នកទទួលខុសត្រូវអ៊ុយក្រែនម្នាក់់និយាយថា យើងមិនលាតត្រដាងលម្អិតពីការបកស្រាយរបស់យើងឡើយ ដោយរង់ចាំប្រតិកម្មរបស់ភាគីអាមេរិក។
សំណើដំបូងរបស់អាមេរិកតម្រូវឲ្យអ៊ុយក្រែន លះបង់ឲ្យរុស្ស៊ីបណ្ដាដែនដីអ៊ុយក្រែនដែលរុស្ស៊ីកាន់កាប់ ដែលបែបនេះក្រុងគៀវនិងបណ្ដាសម្ព័ន្ធមិត្តអឺរ៉ុបយល់ថា វាដូចជាអំណោយផលខ្លាំងបំផុតដល់រុស្ស៊ី។ កងទ័ពរុស្ស៊ីវាយយកបានទីក្រុងសំខាន់មួយទៀត នៅខ្សែរណសិរ្សវិញរុស្ស៊ីអះអាងនាថ្ងៃទី១១ធ្នូ ពីការវាយដណ្ដើមយកបានទីក្រុងអ៊ុយក្រែនមួយទៀត នៅភាគខាងកើតប្រទេសគឹទីក្រុងសីវ័រស្ក៍ ដែលបែបនេះនឹងនាំឲ្យកងទ័ពរុស្ស៊ី អាចរំកិលខ្លួនទៅកាន់ទីក្រុងតំបន់ធំៗរបស់អ៊ុយក្រែនដូចជា ក្រុងក្រាម៉ាទរស្ក៍និងក្រុងស្លូវីយ៉ានស្ក៍។
យោធារុស្ស៊ីបានរាយការណ៍ប្រាប់ដល់លោកវ្ល៉ាឌីមៀរពូទីនពីការវាយដណ្ដើមយកបានទីក្រុងនោះ។ ទីក្រុងសីវ័រស្ក៍ជាទីតាំងនៅចុងខាងលិចនៃតំបន់ដូណេតស្ក៍ដែលកងទ័ពអ៊ុយក្រែននៅកាន់កាប់។ កាលពីសប្ដាហ៍មុនរុស្ស៊ីអះងាងពីការវាយដណ្ដើមយកបាន ទីក្រុងប៉ូក្រូវស្ក៍ ជាទីក្រុងគន្លឹះមួយ ស្ថិតនៅចម្ងាយ១៤០គីឡូម៉ែត្រពីក្រុងសីវ័រស្ក៍៕
ចែករំលែកព័តមាននេះ