សុខភាព៖ យោងតាមអ្នកជំនាញសុខាភិបាលបរទេស គោលដៅសំខាន់បំផុតនៃការសង្គ្រោះបឋមចំពោះរបួសគ្រាប់កាំភ្លើងគឺ បញ្ឈប់ការហូរឈាមធ្ងន់ធ្ងរ ដើម្បីរក្សាជីវិតជនរងគ្រោះ រង់ចាំក្រុមគ្រូពេទ្យមកដល់។
នេះជាជំហានសំខាន់ៗដែលត្រូវអនុវត្តភ្លាមៗ៖
- ហៅជំនួយ (១១៩): ហៅទូរស័ព្ទទៅសេវាសង្គ្រោះបន្ទាន់ឱ្យបានលឿនបំផុត។
- ដាក់សម្ពាធផ្ទាល់:
ប្រើក្រណាត់ស្អាត (អាវយឺត, បង់រុំ) សង្កត់ឱ្យខ្លាំង ទៅលើមុខរបួសដោយផ្ទាល់។ ការចុចសង្កត់ជាប់ជានិច្ច អាចជួយបញ្ឈប់ការហូរឈាមសរសៃឈាមធំ។
- ប្រើខ្សែរឹតបើចាំបាច់:
ប្រសិនបើរងរបួសនៅដៃ ឬជើង ហើយឈាមនៅតែបន្តហូរខ្លាំង ត្រូវប្រើខ្សែរឹត រឹតពីលើមុខរបួស យ៉ាងតឹងរហូតដល់ឈាមឈប់ហូរ។ កុំដោះចេញវិញ!
- រក្សាកម្ដៅ និងលំនឹង: ជួយឱ្យជនរងគ្រោះមានអារម្មណ៍កក់ក្តៅ និងដេកនៅនឹងថ្កល់ រហូតដល់ជំនួយជំនាញមកដល់។
ចំណាំ៖ ការសង្គ្រោះបឋមនេះគ្រាន់តែជួយបានមួយគ្រា ហើយជនរងគ្រោះត្រូវតែទទួលបានការព្យាបាលវះកាត់ជាបន្ទាន់នៅមន្ទីរពេទ្យ៕
ចែករំលែកព័តមាននេះ