សង្គ្រាមអ៊ុយក្រែន ៖ រុស្ស៊ីគូសបញ្ជាក់កាលពីថ្ងៃទី១១ ធ្នូ ថា បានបាញ់ទម្លាក់នាពេលយប់ ដ្រូនអ៊ុយក្រែន២៨៧គ្រឿង ដែលនោះជាការវាយប្រហារទ្រង់ទ្រាយធំមួយរបស់កងទ័ពក្រុងគៀវ ពុំធ្លាប់មានចាប់តាំងពីជិត៤ឆ្នាំមកហើយនៃការវាយលុករបស់រុស្ស៊ី ។…
សង្គ្រាមអ៊ុយក្រែន ៖ រុស្ស៊ីគូសបញ្ជាក់កាលពីថ្ងៃទី១១ ធ្នូ ថា បានបាញ់ទម្លាក់នាពេលយប់ ដ្រូនអ៊ុយក្រែន២៨៧គ្រឿង ដែលនោះជាការវាយប្រហារទ្រង់ទ្រាយធំមួយរបស់កងទ័ពក្រុងគៀវ ពុំធ្លាប់មានចាប់តាំងពីជិត៤ឆ្នាំមកហើយនៃការវាយលុករបស់រុស្ស៊ី ។
ក្នុងសេចក្ដីប្រកាសមួយតាមតេឡេក្រាម ក្រសួងការពារប្រទេសរុស្ស៊ីគូសបញ្ជាក់ថា ដ្រូនទាំងនោះត្រូវបានស្ទាក់ និងកម្ទេចដោយកងការពារអាកាសរុស្ស៊ី។ ក្នុងចំណោមដ្រូនទាំងនេះ៣២គ្រឿងហោះសំដៅក្រុងមូស្គូ ។
ដោយសារការវាយប្រហាររបស់ដ្រូនអ៊ុយក្រែន សំដៅលើរដ្ឋធានីរុស្ស៊ីដែលកម្រមានការរិតត្បិតបណ្ដោះអាសន្នត្រូវបានអនុវត្តនៅតាមព្រលានយន្តហោះ៤នៃក្រុងមូស្គូ គឺព្រលានយន្តហោះឆេរេមេឌីយេវ៉ូ ព្រលានដូម៉ូដឺដូវ៉ូ ព្រលានវីនូកូវ៉ូ និងព្រលានហ្សូកូវស្គី។ នេះបើតាមទីភ្នាក់ងារសហព័ន្ធដឹកជញ្ជួនតាមអាកាសរុស្ស៊ីរ៉ូសាវីយ៉ាតស្យា។ ជើងហោះហើរច្រើនរយជើងរបស់យន្តហោះ ត្រូវបានលុបចោល ឬពន្យារពេលឬវាងទៅព្រលានយន្តហោះដទៃៗទៀត។
ការប្រកាសនេះធ្វើឡើងពេលអ៊ុយក្រែនប្រគល់ឲ្យអាមេរិកនាថ្ងៃទី១០ ធ្នូ នូវការឆ្លើយតបផែនការបញ្ចប់សង្គ្រាមជាមួយរុស្ស៊ី។ អ៊ុយក្រែនប្រឈមមុខនឹងការវាយប្រហាររបស់រុស្ស៊ីស្ទើររាល់ថ្ងៃ ក្នុង
ទូទាំងដែនដីរបស់ខ្លួនពុំធ្លាប់មានតាំងពីចាប់ផ្ដើមការរវាយលុករបស់រុស្ស៊ីពីខែកុម្ភៈឆ្នាំ២០២២មក។ ចំណែកកងទ័ពអ៊ុយក្រែនវិញក៏បានវាយប្រហារដោយទៀងទាត់ដោយប្រើដ្រូន តបតរុស្ស៊ីវិញតម្រង់ ជាពិសេសហេដ្ឋារចនាសម្ព័ន្ធយោធានិងថាមពល៕
ចែករំលែកព័តមាននេះ