ខេត្តកំពង់ឆ្នាំង ៖ ថ្លែងនៅក្នុងពិធីជួបសំណេះសំណាលនិងចែករង្វាន់លើកទឹកចិត្តដល់សិស្សប្រឡងសញ្ញាបត្រទុតិយភូមិ និទ្ទេស A ឆ្នាំប្រឡង ២០២៣ ឆ្នាំ ២០២៤ និង…
ខេត្តកំពង់ឆ្នាំង ៖ ថ្លែងនៅក្នុងពិធីជួបសំណេះសំណាលនិងចែករង្វាន់លើកទឹកចិត្តដល់សិស្សប្រឡងសញ្ញាបត្រទុតិយភូមិ និទ្ទេស A ឆ្នាំប្រឡង ២០២៣ ឆ្នាំ ២០២៤ និង ឆ្នាំ ២០២៥ នៅសាល់ប្រជុំសាលាខេត្ត នាព្រឹកថ្ងៃទី១១ ខែធ្នូ ឆ្នាំ ២០២៥ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានមានប្រសាសន៍ថា ក្មួយ ៗជាសិស្សានុសិស្សដែលបានប្រឡងជាប់នីទ្ទេស អេ ទាំងអស់ត្រូវប្រើចក្ខុវិស័យឲ្យបានខ្ពស់ មុននឹងចាប់យកវិជ្ជាអ្វីមួយដើម្បីរៀននៅមហាវិទ្យាល័យ សម្រាប់អនាគតដ៏ផូរផង់របស់ក្មួយៗ។ ពិធីនេះក៏មានការនិមន្តចូលរួមពី ព្រះធម្មវាសី ចន្ទមុន្នី ព្រះគ្រូចៅអធិការវត្ត ចន្ទប្បជោត្តនារាម ហៅវត្តតាសុត ព្រមទាំងមានការអញ្ជើញចូលរួមពីឯកឧត្តមលោកជំទាវសមាជិកក្រុមប្រឹក្សា លោកនាយក នាយិការ វិទ្យាល័យ ទូទាំងខេត្ត មាតាបិតា និងអាណាព្យាបាលសិស្សជាច្រើន រូបផងដែរ។
ឯកឧត្តមអភិបាលខេត្តកំពង់ឆ្នាំង បានបន្តថា ដើម្បីក្លាយជាពលរដ្ឋល្អ ក្មួយៗ ទាំងអស់សូមកុំអួតអាងកុំវាយឫក ហើយប្រឹងរៀនយកចំណេះ ដឹង នៅតាមមហាវិទ្យាល័យ ជំនាញដែលប្អូនចង់ សម្រាប់ អនាគត និង សូមឱ្យក្មួយៗមានគុណធម៌ល្អ ចរិយាធម៌ល្អ ក្លាយជាពលរដ្ឋល្អ។
ពិធី ជួបសំណេះសំណាលជាមួយក្មួយៗជាសិស្សភ្ជាប់នីទ្ទេស អេ នៅថ្ងៃនេះ ក្នុងគោលបំណងសំខាន់គឺលើកទឹកចិត្តដល់ការសិក្សាដែលបានខិតខំរៀនសូត្រអស់រយៈពេល ១២ ឆ្នាំទទួលបានលទ្ធផលជាផ្លែផ្កាល្អប្រសើរ ដែលមានមោទនភាពដល់ក្រុមគ្រួសារ ដល់សាលារៀន ដល់សង្គមជាតិ ទាំងមូល ជាក់ស្ដែងក្រសួងអប់រំយុវជននិងកីឡាក្រោមការដឹកនាំរបស់ឯកឧត្តមបណ្ឌិត សភាចារ្យ ហង្ស ជូនណារ៉ុង ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជននិងកីឡាបាននដាក់ចេញនៅទិសស្លោកមួយ (អ្នកចេះគឺជាប់) គឺជាទិសស្លោកដ៏មានប្រសិទ្ធភាពបំផុតដែលមិនត្រឹមតែបង្ហាញពីទស្សនៈវិស័យនិងចក្ខុ វិស័យ នៃកំណែទម្រង់របស់ក្រសួង តែប៉ុណ្ណោះទេតែនេះពិតជាបានបង្ហាញពីការខិតខំប្រឹងប្រែងរបស់ សិក្សានោះសិស្ស លោកគ្រូអ្នកគ្រូ និងបុគ្គលិកអប់រំទាំងអស់ ធ្វើយ៉ាងណាដើម្បីឲ្យបេក្ខជនទាំងអស់ទទួលបានជោគជ័យក្នុងការប្រឡងជាចាំបាច់។
ដើម្បីវិស័យអប់រំកាន់តែល្អប្រសើរ លោកគ្រូអ្នកគ្រូ នាយក នាយិកាវិទ្យាល័យត្រូវពង្រឹងអភិបាលកិច្ច សាលារៀន គឺជាប្រធានបទ ដ៏សំខាន់ក្នុងការលើកកម្ពស់ គុណភាព អប់រំត្រួតពិនិត្យកែសម្រួលរៀបចំកម្មវិធីសិក្សានិង សកម្មភាពក្រៅម៉ោងសិក្សា ឲ្យសមស្រប។ពង្រឹងចំណេះដឹង និងវិន័យសីលធម៌ និងសូមយកចិត្តទុកដាក់លើសុខភាពរបស់សិស្ស នៅតាមនៅតាមថ្នាក់រៀន ។
សូមបញ្ជាក់ថាសិស្សជាប់នីទ្ទេស អេ មានចំនួន ៩៣ នាក់ក្នុងម្នាក់ៗទទួលបាន ipad ១ឈុត និងថវិកា៤០ម៉ឺនរៀល។លោកនាយក នាយិការ វិទ្យាល័យដែលមានសិស្សជាប់នីទ្ទេស A ទាំង ៣៤ វិទ្យាល័យ ក្នុងមួយវិទ្យាល័យទទួលបានថវិការ១លានរៀល ៕
ចែករំលែកព័តមាននេះ