រាជធានីភ្នំពេញ ៖ លោកជំទាវបណ្ឌិត ពេជ ចន្ទមុន្នី ជំទាវទី១ នៃកម្ពុជា បានបង្ហោះសារដ៏មានអត្ថន័យនៅលើបណ្តាញសង្គម ដោយកោតសរសើរចំពោះវីរភាពរបស់កងទ័ពដែលបានលះបង់ជីវិត ដើម្បីការពារជាតិពីការឈ្លានពាន…
រាជធានីភ្នំពេញ ៖ លោកជំទាវបណ្ឌិត ពេជ ចន្ទមុន្នី ជំទាវទី១ នៃកម្ពុជា បានបង្ហោះសារដ៏មានអត្ថន័យនៅលើបណ្តាញសង្គម ដោយកោតសរសើរចំពោះវីរភាពរបស់កងទ័ពដែលបានលះបង់ជីវិត ដើម្បីការពារជាតិពីការឈ្លានពាន និងការពារសុខសុវត្ថិភាពជូនប្រជាពលរដ្ឋជាង១៧លាននាក់ ។
លោកជំទាវបណ្ឌិត ពេជ ចន្ទមុន្នី ជំទាវទីមួយរបស់កម្ពុជា បានបង្ហោះសារនៅលើបណ្តាញសង្គមនាព្រឹកថ្ងៃទី១១ ខែធ្នូ ឆ្នាំ២០២៥នេះថា ៖ វីរៈកងទ័ពយើងយកជីវិតការពារនូវការឈ្លានពាន យកជីវិតពាំងគ្រាប់ ដើម្បីប្រជាពលរដ្ឋជាង១៧លាននាក់ ។
លោកជំទាវទី១របស់កម្ពុជា បានបញ្ជាក់បន្ថែមថា យើងជាកងទ័ពជួរក្រោយ សូមចូលរួមកម្លាំងជួយគ្នាក្នុងគ្រានេះ ទៅតាមជំនាញ និងលទ្ធភាពដែលអាចជួយបាន ។
សូមបញ្ជាក់ថា លោកជំទាវបានជំរុញឱ្យប្រជាពលរដ្ឋទាំងអស់ ដែលជាកម្លាំងជួរក្រោយ ត្រូវចូលរួមយ៉ាងសកម្មតាមរយៈការជួយគ្នាទៅវិញទៅមក ដោយប្រើប្រាស់ជំនាញ និងលទ្ធភាពរៀងៗខ្លួន ដើម្បីរួមចំណែកជាមួយរាជរដ្ឋាភិបាលក្នុងបេសកកម្មការពារជាតិដ៏សំខាន់នេះ៕
ចែករំលែកព័តមាននេះ