រាជធានីភ្នំពេញ ៖ ប្រធានគណៈកម្មាធិការសិទ្ធិមនុស្សកម្ពុជា ឯកឧត្តមទេសរដ្ឋមន្ត្រី កែវ រ៉េមី បានប្រតិកម្មនឹងអង្កការយូណេស្កូ(UNESCO) មិនបានចេញសេចក្តីថ្លៃការណ៍ប្រតិកម្មនឹងការណីថៃបាញ់បំផ្លាញប្រាសាទបុរាណទៅលើសម្បត្តិបេតិកភណ្ឌជាតិ និងសម្បត្តិបេតិកភណ្ឌពិភពលោករបស់កម្ពុជា ។
ឯកឧត្តមកែវ រ៉េមី បានសរសេរលើបណ្តាញសង្គម កាលពីយប់ថ្ងៃទី១០ ធ្នូ ដោយមានខ្លឹមយ៉ាងដូច្នេះថា៖ ប្រទេសដែលជាសមាជិក UNESCO មានចំនួន១៩៤ប្រទេស។ នៅក្នុងអាណត្តិមុនៗនៃអ្នកដឹកនាំ UNESCO ក្រៅតែមានចំណេះជំនាញក៏មានមនោសញ្ចេតនាយ៉ាងជ្រាលជ្រៅចេះស្រឡាញ់ និងឲ្យតម្លៃទៅលើប្រាសាទបុរាណទៅលើសម្បត្តិបេតិកភណ្ឌជាតិ និងសម្បត្តិបេតិកភណ្ឌពិភពលោក ។
រាល់ការប៉ះទង្គិចនូវជម្លោះផ្ទៃក្នុង ឬជម្លោះប្រទេសនិងប្រទេស UNESCO តែងតែចេញនូវសេចក្តីថ្លែងការណ៍ក្នុងការការពារ និងបង្កាទប់ស្កាត់ដែលនឹងអាចប៉ះពាល់ ឬឈានទៅបំផ្លាញដល់សម្បត្តិវប្បធម៌មនុស្សជាតិ ។
Screenshotឯកឧត្តមបានបញ្ជាក់ថា «តែឥឡូវទាហានថៃបានដៃបំផ្លិចបំផ្លាញនូវសម្បត្តិបេតិកភណ្ឌពិភពលោកតាំងពីដំណាក់កាលឈ្លានពានលើកទីមួយរហូតដល់ពេលនេះ ក៏គ្មានអ្នកជំនាញណា ឬអ្នកទទួលខុសត្រូវនៅក្នុងស្ថាប័នអន្តរជាតិណាបានចេញមុខទប់ស្កាត់ ឬថ្កោលទោសរាល់ការបំផ្លិចបំផ្លាញរបស់ទាហានថៃ»។
ឯកឧត្តមបានលើកឡើងថា ផ្ទាំងថ្មទាំងឡាយដែលជាស្នាដៃនែបុព្វបុរសខ្មែរបាននិងកំពុងស្រែកការឈឺចាប់ដង្ហោយហៅអ្នកជួយសង្គ្រោះចេញពីពួកទមិឡឈ្លានពានដែលជាសត្រូវប្រវត្តិ
សាស្ត្រ ៕
ចែករំលែកព័តមាននេះ