ខេត្តបាត់ដំបង ៖ ចាត់ទុកជាការបង្កហេតុរបស់ភាគីទាហានថៃ ដែលនៅសុខៗពួកបច្ចារមិត្តនេះ បានប្រើប្រាសអាវុធធុនM.79 បាញ់ផ្តក់ចូលដីខ្មែរចំនួន០២គ្រាប់ ធ្លាក់ខាងមុខផ្ទះប្រជាពលរដ្ឋកម្ពុជា ដែលស្ថិតក្បែរអូរព្រំដែន កាលពីវេលាម៉ោង២ និង៥០នាទីរសៀលថ្ងៃទី០៨…
ខេត្តបាត់ដំបង ៖ ចាត់ទុកជាការបង្កហេតុរបស់ភាគីទាហានថៃ ដែលនៅសុខៗពួកបច្ចារមិត្តនេះ បានប្រើប្រាសអាវុធធុនM.79 បាញ់ផ្តក់ចូលដីខ្មែរចំនួន០២គ្រាប់ ធ្លាក់ខាងមុខផ្ទះប្រជាពលរដ្ឋកម្ពុជា ដែលស្ថិតក្បែរអូរព្រំដែន កាលពីវេលាម៉ោង២ និង៥០នាទីរសៀលថ្ងៃទី០៨ ធ្នូ ស្ថិតនៅចំណុចភូមិទឹកផុស ឃីអង្គរបាន ស្រុកសំពៅលូន បណ្ដាលឲ្យធ្លុះស្រាំពាងទឹកអស់០១ តែពុំមានគ្រោះថ្នាក់ដល់មនុស្សទេ ។
តាមសេចក្ដីរាយការណ៍ដែលកោះសន្តិភាពទទួលបាន នៅព្រឹកថ្ងៃទី ០៩ ធ្នូ បានឲ្យដឹងថា ពួកទាហានសៀមដែលនៅមិនឆ្ងាយប៉ុន្មានពីអូរដព្រំដែនកម្ពុជា បានប្រើប្រាស់អាវុធធុន M.79ចូលដីកម្ពុជា ធ្លាក់នៅខាងផ្ទះប្រជាពលរដ្ឋឈ្មោះបឿន សាវឿន ភេទប្រុស តែមិនបណ្ដាលឲ្យក្រុមគ្រួសារគាត់រងរបួសទេ គ្រាន់តែអំបែងគ្រាប់ខ្ទាតត្រូវពាងទឹកធ្វើឲ្យធ្លុះនិងប្រេះស្រាំ ។ បើតាមព័ត៌មានឲ្យដឹងថា ពេលដែលគ្រាប់កាំភ្លើងធ្លាក់នោះ គឺម្ចាស់ផ្ទះមិនបាននៅទេ ។
អធិការស្រុកសំពៅលូន លោក ទឹម វិឆ័យ ដែលបាននាំកម្លាំងចុះសហការជាមួយកម្លាំងស្ថាប័ននានា ធ្វើការត្រូតពិនិត្យចំកើតហេតុបាននិយាយថា គ្រាប់កាំភ្លើងដែលបាញ់ដោយពួកទាហានសៀម ផ្លោងឆ្លងអូរព្រំដែនចូលក្នុងទឹកដីកម្ពុជានោះ ពុំបង្កឲ្យមានគ្រោះមនុស្សទេ ។ វាជាប្រភេទគ្រាប់កាំភ្លើងធុន M.79 ចំនួន០២គ្រាប់ ។ លោកបានបញ្ជាក់ថា អំបែងគ្រាប់របស់សត្រូវគ្រាន់តែទម្លុះពាងទឹក០១ប៉ុណ្ណោះ ។
មន្ត្រីយោធាឈរជើងការពារព្រំដែនជួរមុខប្រចាំតំបន់នោះ បានចាត់ទុកទង្វើរបស់ពួកសត្រូវថៃឈ្លានពាននេះ ជាការបង្ករឿងមានចេតនាទាញឲ្យកងទ័ពកម្ពុជាតបត តែកងកម្លាំងប្រដាប់អាវុធគ្រប់ស្ថាប័ននៅជួរមុខទាំងអស់បានបង្ហាញការអត់ធ្មត់ រង់ចាំតែបទបញ្ជាមេបញ្ជាការ និងថ្នាក់ដឹកនាំកំពូលប៉ុណ្ណោះ ។
ប៉ុន្តែយ៉ាងណាក៏ដោយ បើតាមកម្លាំងជួរមុខបានបញ្ជាក់ថា គ្រប់គោលដៅតាមបន្ទាត់ព្រំដែន កម្លាំងប្រដាប់អាវុធត្រៀមលក្ខណ:ជានិច្ច ដើម្បីប្រយុទ្ធប្ដូរគ្រាប់ជាមួយពួកសត្រូវ ដែលព្យាយាមឈ្លានពានលេបយកដីកម្ពុជា ៕
ចែករំលែកព័តមាននេះ