រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា បន្ទាត់ក្រហមដែលត្រូវតបតបានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហានពលទាហានយល់ដឹងគ្រប់ៗគ្នា ។…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា បន្ទាត់ក្រហមដែលត្រូវតបតបានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហានពលទាហានយល់ដឹងគ្រប់ៗគ្នា ។
ជាមួយគ្នានោះដែរ សម្តេចតេជោ បានប្រកាសលុបចោលចូលកម្មវិធីផ្សេងៗទាំងអស់ ដើម្បីចូលរួមទប់ទល់ជាមួយចោរឈ្លានពានថៃ ។
ការលើកឡើងរបស់សម្តេចតេជោ បន្ទាប់ពីយោធាថៃបានបា.ញ់ប្រហារមកលើកងកម្លាំងកម្ពុជា នៅតំបន់ប្រាសាទព្រះវិហារ និងតំបន់ផ្សេងទៀត ។
សម្តេចតេជោ ហ៊ុន សែន បានសរសេរលើបណ្តាញសង្គម នៅថ្ងៃទី៨ ខែធ្នូ ឆ្នាំ២០២៥ យ៉ាងដូច្នេះថា ៖ កម្លាំងជួរមុខទាំងអស់ត្រូវមានការអត់ធ្មត់ ព្រោះពួកឈ្លានពានកំពុងប្រើអាវុធគ្រប់ប្រភេទបាញ់មកលើយើង តាំងពីថ្ងៃម្សិល យប់មិញ និងព្រឹកនេះក្នុងគោលបំណងទាញយើងឲ្យតបត ដើម្បីបំផ្លាញចោលបទឈប់បា.ញ់ និងសេចក្តីថ្លែងការណ៍សន្តិភាពកម្ពុជា ថៃ ។
សម្តេចតេជោ បានគូសបញ្ជាក់ថា ៖« បន្ទាត់ក្រហមដែលត្រូវតបតបានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហាន ពលទាហានយល់ដឹងគ្រប់ៗគ្នា» ។
ជាមួយគ្នានោះដែរ សម្តេចតេជោក៏បានឲ្យអាជ្ញាធរគ្រប់ជាន់ថ្នាក់ខិតខំជួយ ដល់ប្រជាជនដែលភៀសសឹកចេញពីតំបន់គ្រោះថ្នាក់មកកាន់តំបន់មាន សុវត្ថិភាព ។
សម្តេចតេជោ បានប្រកាសថា ៖«ខ្ញុំបានលុបចោលកម្មវិធីការងារផ្សេង ទៀតអស់ហើយ ដើម្បីមករួមជាមួយនាយករដ្ឋមន្ត្រីបញ្ជាលើកម្លាំងប្រដាប់ អាវុធទប់ទល់ជាមួយការឈ្លានពាន»។
លើសពីនេះ សម្តេចតេជោ បានសូមការយោគយល់ពីភ្ញៀវជាតិនិងអន្តរជាតិដែលមិនអាចជួបខ្ញុំបាន ។ សូមកីឡាករ កីឡាការិនីដែលទៅចូល ការប្រកួតស៊ីហ្គេមលើកទី៣៣នៅប្រទេសថៃចូលរួមការប្រកួតជាធម្មតា ៕
ចែករំលែកព័តមាននេះ