រាជធានីភ្នំពេញ ៖ ត្រីឆ្លាមប៉ារ៉ាមួយក្បាល ត្រូវបានប្រទះឃើញដោយក្រុមអ្នកជ្រមុជទឹក នៅប្រជុំកោះព្រីង ខេត្តព្រះសីហនុ កាលពីថ្ងៃទី៥ ខែធ្នូ ឆ្នាំ២០២៥ នេះបើតាមក្រសួងកសិកម្មរុក្ខា…
រាជធានីភ្នំពេញ ៖ ត្រីឆ្លាមប៉ារ៉ាមួយក្បាល ត្រូវបានប្រទះឃើញដោយក្រុមអ្នកជ្រមុជទឹក នៅប្រជុំកោះព្រីង ខេត្តព្រះសីហនុ កាលពីថ្ងៃទី៥ ខែធ្នូ ឆ្នាំ២០២៥ នេះបើតាមក្រសួងកសិកម្មរុក្ខា ប្រមាញ់ និងនេសាទ ។
ក្រសួងកសិកម្ម បានឲ្យដឹងនៅថ្ងៃទី៦ ធ្នូនេះថា ឆ្លាមប៉ារ៉ា មានឈ្មោះបច្ចេកទេស (Rhincodon typus) គឺជាប្រភេទត្រីដ៏កម្រមួយនៅប្រទេសកម្ពុជា។ វាមានរូបរាងធំសម្បើម តែមានចរិតស្លូតបូត សុភាពរាបសារ និងរួសរាយរាក់ទាក់។ ឆ្លាមប៉ារ៉ាតូច ចេះឆ្ងល់ច្រើន ម្ល៉ោះហើយទើបគេឃើញវាឧស្សាហ៍មកក្បែរទូក និងអ្នកជ្រមុជទឹក ។
វត្តមានរបស់សត្វឆ្លាមប៉ារ៉ា ជាសូចនាករបញ្ជាក់ពីសុខភាពល្អប្រសើរ នៃប្រព័ន្ធអេកូឡូស៊ីសមុទ្រ និងការកាត់បន្ថយ នៃការនេសាទខុសច្បាប់ ដែលសម្រេចបានតាមរយៈប្រសិទ្ធភាព នៃតំបន់ការពារសមុទ្រ (MPA) ៕
ចែករំលែកព័តមាននេះ