រាជធានីភ្នំពេញ៖​ យោងតាមការជូនដំណឹងពីមន្ទីរពេទ្យកាល់ម៉ែត បានឲ្យដឹងថា ជំងឺលើសសម្ពាធឈាម គឺជាមូលហេតុចម្បងមួយដែលអាចបង្កទៅជា ជំងឺខ្សោយតម្រងនោម។

នៅពេលសម្ពាធឈាមឡើងខ្ពស់ វាធ្វើឲ្យប៉ះពាល់ដល់សរសៃឈាមតម្រងនោម ដែលបណ្តាលឲ្យតម្រងនោមខ្សោយ និងធ្វើឲ្យមានការ ហូរជាតិសាច់ចេញតាមទឹកនោម (ទឹកនោមប្រៃ)។

រោគសញ្ញាដែលត្រូវប្រុងប្រយ័ត្ន៖

នៅពេលដែលតម្រងនោមចុះខ្សោយដោយសារសម្ពាធឈាមឡើងខ្ពស់ វានឹងធ្វើឲ្យស្ថានភាពលើសសម្ពាធឈាមកាន់តែធ្ងន់ធ្ងរឡើង ហើយរោគសញ្ញាស្ដែងចេញមានដូចជា៖

• ហើមជើងទាំងសងខាង
• ហើមមុខ (ជាពិសេសត្របកភ្នែក)

ដូច្នេះ អ្នកដែលមានជំងឺលើសសម្ពាធឈាម ត្រូវតាមដាននិងព្យាបាលជំងឺឲ្យបានត្រឹមត្រូវ ដើម្បីការពារតម្រងនោមពីការខូចខាតធ្ងន់ធ្ងរ៕
​