ខេត្តព្រៃវែង ៖ ផ្សារផលិតផលខ្មែរខេត្តព្រៃវែង បាន និងកំពុងដំណើរការលក់កសិផល និងផលិតផលខ្មែរដែលបានដាំដុះ និងកែច្នៃដោយកសិករក្នុងខេត្តព្រៃវែង ។ នេះបើយោងតាមផេក រដ្ឋបាលខេត្តព្រៃវែង…
ខេត្តព្រៃវែង ៖ ផ្សារផលិតផលខ្មែរខេត្តព្រៃវែង បាន និងកំពុងដំណើរការលក់កសិផល និងផលិតផលខ្មែរដែលបានដាំដុះ និងកែច្នៃដោយកសិករក្នុងខេត្តព្រៃវែង ។ នេះបើយោងតាមផេក រដ្ឋបាលខេត្តព្រៃវែង បានប្រកាសនាព្រឹកថ្ងៃទី០៥ ខែធ្នូ ឆ្នាំ២០២៥ ។
រដ្ឋបាលខេត្តព្រៃវែង បានបញ្ជាក់ថា ការបើកដំណើរការផ្សារផលិតផលខ្មែរនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករ អាជីវករខ្នាតតូច តំណាងឱ្យចង្កោមផលិត ក្រុមកសិករផលិត និងការតភ្ជាប់ទំនាក់ទំនងទីផ្សារឱ្យកាន់តែប្រសើរឡើងជាមួយគ្រួសារផលិត (ដាំដុះ ចិញ្ចឹម កែច្នៃ) សំដៅលើកកម្ពស់ជីវភាពរស់នៅ ឱ្យប្រសើរជាងមុន និងចូលរួមលើកកម្ពស់ការប្រើប្រាស់ផលិតផលខ្មែរ ជាការរួមចំណែកបង្កើនផលិតភាព ផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពរស់នៅរបស់ប្រជាជនដែលស្ថិតនៅក្នុងបន្ទាត់ក្រីក្រ ដើម្បីជួយជំរុញអភិវឌ្ឍន៍ឱ្យពួកគាត់មានជីវភាពកាន់តែប្រសើរឡើង ។
បន្ថែមពីនេះទៀត រដ្ឋបាលខេត្តព្រៃវែង បានបន្តថា សូមចូលរួមគាំទ្រផ្សារផលិតផលខ្មែរ ដើម្បីលើកស្ទួយជីវភាពកសិករ និងផលិតករខ្មែរយើង ។
សូមបញ្ជាក់: ផ្សារផលិតផលខ្មែរ បើកលក់នៅរៀងរាល់ថ្ងៃព្រហស្បតិ៍-សុក្រ រៀងរាល់សប្តាហ៍ ចាប់ពីម៉ោង ៧៖០០ព្រឹក ដល់ម៉ោង១៥៖០០រសៀល ដែលមានទីតាំងនៅមុខមន្ទីរវប្បធម៌ និងវិចិត្រសិល្បៈខេត្តព្រៃវែង៕
ចែករំលែកព័តមាននេះ