អឺរ៉ុប-អាមេរិក៖ ការស្ទាបស្ទង់មតិមួយធ្វើឡើងដោយCLUSTER 17 លើពលរដ្ឋអឺរ៉ុបបង្ហាញថា មនុស្សជាង៥៥%ក្នុងចំណោមមនុស្សដែលសាកសួរយល់ថា អឺរ៉ុបត្រូវមានជំហរថ្លឹងថ្លែងមួយ រវាងគូប្រជែងធំ២ខាងភូមិសាស្ត្រនយោបាយពិភពលោក គឺសហរដ្ឋអាមេរិក និងចិន ។ …
អឺរ៉ុប-អាមេរិក៖ ការស្ទាបស្ទង់មតិមួយធ្វើឡើងដោយCLUSTER 17 លើពលរដ្ឋអឺរ៉ុបបង្ហាញថា មនុស្សជាង៥៥%ក្នុងចំណោមមនុស្សដែលសាកសួរយល់ថា អឺរ៉ុបត្រូវមានជំហរថ្លឹងថ្លែងមួយ រវាងគូប្រជែងធំ២ខាងភូមិសាស្ត្រនយោបាយពិភពលោក គឺសហរដ្ឋអាមេរិក និងចិន ។ ជិត១ភាគ២នៃមនុស្សដែលបានសាកសួរនៅអឺរ៉ុប ៤៨%ចាត់ទុកប្រធានាធិបតីអាមេរិកលោកដូណាល់ត្រាំជាសត្រូវរបស់អឺរ៉ុប។
អឹរ៉ុបដែលជាប្រពៃណីចាត់ទុកសហរដ្ឋអាមេរិកជាសម្ព័ន្ធមិត្តនោះ ពេលនេះ ហាក់ដូចជាដូរការគិត ។ នេះជាការពន្យល់របស់លោកJEAN YVES DORMAGEN សាស្ត្រាចារ្យវិទ្យាសាស្ត្រនយោបាយនិងជាប្រធានរបស់CLUSTER 17 ។
លោកបន្តថា វាហាក់មានការបាត់បង់ទំនុកចិត្តដែលថា អាមេរិកនឹងនៅតែជាសម្ព័ន្ធមិត្តធម្មជាតិ ។ គេបានសួរនាំបណ្ដាមនុស្សឲ្យធ្វើការជ្រើសរើសរវាងអាមេរិកនិងចិន ដែលមនុស្សភាគច្រើនមិនធ្វើការជ្រើសរើសឡើយ។ មានន័យថា ពេលនេះលែងមានអ្វីច្បាស់ទៀតហើយក្នុងចិត្តរបស់ពលរដ្ឋអឺរ៉ុប ក្នុងការចាត់ទុកអាមេរិកជាសម្ព័ន្ធមិត្ត ។ លែងមានសម្ព័ន្ធមិត្តធម្មជាតិទៀតហើយ ។
លោកJEAN YVES DORMAGENក៏បង្ហាញផងដែរថា អឺរ៉ុបអាចពឹងលើខ្លួនឯង តែវាក៏មិនមានភាពប្រាកដប្រជាដែរ ក្នុងពេលជួបស្ថានភាពផុយស្រួយ។
ការស្ទាបស្ទង់មតិនេះក៏ធ្វើលើការយល់ឃើញរបស់ពលរដ្ឋអឺរ៉ុប លើលទ្ធភាពដែលអឺរ៉ុបអាចមានសង្គ្រាមជាមួយរុស្ស៊ីដែរ។ ពលរដ្ឋអឺរ៉ុបភាគច្រើនដល់៥១% លើកឡើងពីគ្រោះថ្នាក់ខ្ពស់បំផុត ដែលរុស្ស៊ីអាចធ្វើសង្គ្រាមជាមួយអឹរ៉ុប ៕
ចែករំលែកព័តមាននេះ