រុស្ស៊ី-ឥណ្ឌា ៖ ខាងក្រៅសង្គ្រាមនៅអ៊ុយក្រែន និងការចរចាជុំវិញកិច្ចព្រមព្រៀងសនិ្តភាព ប្រធានាធិបតីរុស្ស៊ី លោកវ្ល៉ាឌីមៀរ ពូទីន មកបំពេញទស្សនកិច្ចនៅឥណ្ឌាពីថ្ងៃទី៤ ដល់ទី៥ ធ្នូ…
រុស្ស៊ី-ឥណ្ឌា ៖ ខាងក្រៅសង្គ្រាមនៅអ៊ុយក្រែន និងការចរចាជុំវិញកិច្ចព្រមព្រៀងសនិ្តភាព ប្រធានាធិបតីរុស្ស៊ី លោកវ្ល៉ាឌីមៀរ ពូទីន មកបំពេញទស្សនកិច្ចនៅឥណ្ឌាពីថ្ងៃទី៤ ដល់ទី៥ ធ្នូ ។ លោកពូ
ទីនមកកាន់ក្រុងញូវដែល្លី ក្នុងក្របខណ្ឌនៃកិច្ចប្រជុំកំពូលទ្វេភាគីប្រចាំឆ្នាំលើកទី២៣ ។ នោះជាឱកាសពង្រឹងភាពជាដៃគូយុទ្ធសាស្ត្រ ។ នេះជាការអះអាងរបស់វិមានក្រឹមឡាំង ។
ទស្សនកិច្ចនោះ ជាឱកាសចរចាលើកុងត្រាគ្រឿងសព្វាវុធជាច្រើន ហើយក៏ឈានដល់ការចុះហត្ថលេខាលើកិច្ចព្រមព្រៀងពាណិជ្ជកម្មនានា។ ទំនាក់ទំនងរវាងឥណ្ឌា និងរុស្ស៊ីមានតាំងពីយូរមកហើយពិសេសខាងផ្នែកយោធា។ ទំនាក់ទំនងនោះ ឈានពីគ្រាន់ជាផ្ដល់ និងជាអ្នកទិញអាវុធ ដល់ការបង្កើតសហគ្រាសរួមគ្នា។ សហគ្រាសអាវុធរួមគ្នាជានិមិ្មត្តរូប គឹសហគ្រាសផលិតមីស៊ីលBRAHMOS ដែលកើតចេញពីភាពជាដៃគូឥណ្ឌា-រុស្ស៊ី ដែលឈ្មោះមីស៊ីលនោះ ជាការបូកបញ្ចូ្ចលគ្នានៃឈ្មោះទន្លេ២ គឺទន្លេមូស្កូវ៉ារុស្ស៊ី និងទន្លេBRAHMAPOUTRE របស់ឥណ្ឌា។
ទោះបីយ៉ាងណា រុស្ស៊ីមិនមែនជាសម្ព័ន្ធមិត្តដាច់មុខទេ។ ឥណ្ឌាប្រកាន់ខ្ជាប់នូវស្វ័យភាពយុទ្ធសាស្ត្រ យោងតាមផលប្រយោជន៍របស់ខ្លួន។ ចំណុចស្នូលនៃទំនាក់ទំនងរុស្ស៊ី-ឥណ្ឌា សំខាន់បំផុតនៅតែខាងយោធា ។ ក្រុងញូវដែល្លីចង់បានប្រព័ន្ធការពារប្រឆាំងមីស៊ីលរុស្ស៊ីS- 500 និងយន្តហោះប្រដេញបំបាំងកាយជំនាន់ទី៦ធុនSU- 57។ ម្យ៉ាងទៀតឥណ្ឌាប្រកាន់យកការជ្រើសរើសដោយបើកចំហរបស់ខ្លួន។ ប្រទេសនេះនៅចរចាជាមួយដៃគូផ្សេងទៀត ក្នុងនោះមានបារាំងនិងជប៉ុនដើម្បីផលិតរួមគ្នាបណ្ដាយន្តហោះប្រយុទ្ធជំនាន់ទី៦។
ទោះបីទស្សកិច្ចនៅឥណ្ឌារបស់លោកពូទីនធ្វើឡើងក្នុងពេល កំពុងមានភាពតានតឹងខ្លាំងខាងភូមិសាស្ត្រនយោបាយ និងការដាក់សម្ពាធរបស់អាមេរិក ជាការគាបសង្កត់ឲ្យឥណ្ឌាកាត់បន្ថយក្នុងចំនួនច្រើនការទិញប្រេងរុស្ស៊ី តែក្រុងញូវដែល្លីនៅតែរកឱកាសរឹតចំណងទាក់ទងជាមួយរុស្ស៊ីដែរ។ ឥណ្ឌាចាប់អារម្មណ៍ខ្លាំងលើកិច្ចសហការខាងឡូហ្ស៊ីស្ទិកឬក្នុងផ្នែកឧបករណ៍បច្ចេកវិទ្យាខ្ពស់។
សេដ្ឋកិច្ចនៅតែជាចំណុចសំខាន់នៃទំនាក់ទំនងរវាងក្រុងមូស្គូនិងក្រុងញូវដែល្លី ព្រោះឥណ្ឌាជាអ្នកនាំចូលប្រេងរុស្ស៊ីច្រើនធំជាងគេបំផុតមួយ សម្រាប់សេចក្ដីត្រូវការរបស់ប្រជាជន១៤ពាន់លាននាក់របស់ខ្លួន ដោយសាររុស្ស៊ីលក់ប្រេងដល់ឥណ្ឌាក្នុងតមៃ្លថោក។ ឥណ្ឌាបន្តទិញប្រេងរុស្ស៊ីក៏ទោះបីមានការគាបសង្កត់ខ្លាំងរបស់អាមេរិក ៕
ចែករំលែកព័តមាននេះ