រាជធានីភ្នំពេញ ៖ បុរសម្នាក់បានដេកស្លាប់នៅក្នុងបន្ទប់ជួលហើយបង្កឲ្យមានការភ្ញាក់ផ្អើលខណៈ ពេលម្ដាយទូរស័ព្ទចូលអត់លើកហើយប្រាប់ម្ចាស់ផ្ទះមកមើលប្រទៈឃើញដេកស្លាប់បាត់ទៅហើយ។ ហេតុការណ៍នេះបង្ករឲ្យមានការភ្ញាក់ផ្អើលនៅវេលាម៉ោង១១ និង០៥នាទី ថ្ងៃទី០៤ ខែធ្នូ ឆ្នាំ២០២៥ នៅចំណុចបន្ទប់ជួលលេខ១៥…
រាជធានីភ្នំពេញ ៖ បុរសម្នាក់បានដេកស្លាប់នៅក្នុងបន្ទប់ជួលហើយបង្កឲ្យមានការភ្ញាក់ផ្អើលខណៈ ពេលម្ដាយទូរស័ព្ទចូលអត់លើកហើយប្រាប់ម្ចាស់ផ្ទះមកមើលប្រទៈឃើញដេកស្លាប់បាត់ទៅហើយ។
ហេតុការណ៍នេះបង្ករឲ្យមានការភ្ញាក់ផ្អើលនៅវេលាម៉ោង១១ និង០៥នាទី ថ្ងៃទី០៤ ខែធ្នូ ឆ្នាំ២០២៥ នៅចំណុចបន្ទប់ជួលលេខ១៥ ផ្ទះលេខ២៨៧ ផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។
ជនរងគ្រោះឈ្មោះ ជូ សុផា អាយុ ២៨ឆ្នាំ ភេទប្រុស ជាមន្ត្រីកិច្ចសន្យាធនាគារជាតិ ស្នាក់នៅបន្ទប់ជួលខាងលើនិងមានស្រុកកំណើត នៅភូមិអ្នកតាហោង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ។
តាមព័ត៌មានឲ្យដឹងថា ជនរងគ្រោះបានស្នាក់នៅបន្ទប់ជួលតែម្នាក់ឯង នៅព្រឹកថ្ងៃកើតហេតុម្ដាយបានព្យាយាម ទូរស័ព្ទមកកូនពុំលើក ក៏បានប្រាប់ម្ចាស់ផ្ទះមកមើលហៅមិនឮក៏បាននាំគ្នាគាស់ទ្វារស្រាប់តែប្រទះឃើញដេកស្លាប់នៅក្នុងបន្ទប់ឡៅតឿ រួចក៏រាយការណ៍ទៅសមត្ថកិច្ចដើម្បីចុះត្រួតពិនិត្យ ។ ទោះបីជាយ៉ាងណាគេពុំដឹងថាបុរសរូបនោះដេកស្លាប់តាំងពីពេលណានោះឡើយ។
តាមស្ត្រី ឈ្មោះ គឹម នឿន អាយុ៥០ឆ្នាំ ត្រូវជាម្ដាយបង្កើតជនរងគ្រោះបានឲ្យដឹងថា កូនប្រុសបានមកជួលបន្ទប់ស្នាក់នៅទើបតែជាងមួយខែដោយធ្វើការជាមន្ត្រីកិច្ចសន្យានៅរតនាគារជាតិ។ ជាទូទៅកូនតែងតែទូរសព្ទមកគាត់ដើម្បីនិយាយលេង ។ លុះនៅវេលាម៉ោងប្រមាណ១០ និង៣០នាទី ថ្ងៃទី០៤ ខែធ្នូ ឆ្នាំ២០២៥ ពុំឃើញកូនប្រុសទំនាក់ទំនងមក ក៏បានទូរស័ព្ទទៅកូនប្រុសតែពុំលើកក៏បានទាក់ទងទៅប្រាប់ម្ចាស់ផ្ទះមកមើលឃើញនៅផ្ទះដាក់គន្លឹះពីក្នុងក៍ប្រាប់អោយគាស់
ទ្វារបន្ទប់ឃើញកូនប្រុសដេកស្លាប់នៅបន្ទប់ជាន់ឡៅតឿ។
តាមការត្រួតពិនិត្យលោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញបានសន្និដ្ឋានថា បុរសរូបនោះស្លាប់ដោយគាំងបេះដូង អាចបណ្ដាលមកពីជំងឺបេះដូង៕
ចែករំលែកព័តមាននេះ