រាជធានីភ្នំពេញ ៖ យុវជន០៩នាក់ បង្ហោះម៉ូតូតាមផ្លូវសាធារណៈ នៅសង្កាត់កំបូល ខណ្ឌកំបូល ត្រូវបានសមត្ថកិច្ចណែនាំអប់រំ និងធ្វើកិច្ចសន្យា ។ នេះបើយោងតាមក្រុមការងារព័ត៌មាន…
រាជធានីភ្នំពេញ ៖ យុវជន០៩នាក់ បង្ហោះម៉ូតូតាមផ្លូវសាធារណៈ នៅសង្កាត់កំបូល ខណ្ឌកំបូល ត្រូវបានសមត្ថកិច្ចណែនាំអប់រំ និងធ្វើកិច្ចសន្យា ។ នេះបើយោងតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានប្រកាសនាថ្ងៃទី០៤ ខែធ្នូ ឆ្នាំ២០២៥ ។
ជាក់ស្តែងនៅថ្ងៃទី៣ ខែធ្នូ ឆ្នាំ២០២៥ កម្លាំងជំនាញ និងកម្លាំងប៉ុស្តិ៍នគរបាលរដ្ឋបាលកំបូល នៃអធិការដ្ឋាននគរបាលខណ្ឌកំបូល បានទប់ស្កាត់យុវជន០៩នាក់ ពាក់ព័ន្ធករណីបង្ហោះម៉ូតូតាមផ្លូវសាធារណៈ នៅចំណុចតាមផ្លូវរណបផ្លូវល្បឿនលឿន ភូមិតាភេម សង្កាត់កំបូល ខណ្ឌកំបូល ខណៈកម្លាំងកំពុងល្បាតក្នុងមូលដ្ឋាន។
ចំពោះយុវជន០៩នាក់ខាងលើនេះ មានឈ្មោះដូចខាងក្រោម ៖
១-ឈ្មោះ ហេង ប៊ុនលាភ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅភូមិព្រៃរឹង សង្កាត់ស្នោរ ខណ្ឌកំបូល ។
២-ឈ្មោះ ទូច ប៊ុនតូ ភេទប្រុស អាយុ១៦ឆ្នាំ មុខរបរសិស្សវិទ្យាល័យអរុណវត្តី ស្នាក់នៅភូមិតាអិន សង្កាត់ស្នោរ ខណ្ឌកំបូល (អ្នកបើកម៉ូតូ) ។
៣-ឈ្មោះ មាន ដាវីត ភេទប្រុស អាយុ១៨ឆ្នាំ មុខរបរលក់ដូរ ស្នាក់នៅភូមិតាភេម សង្កាត់កំបូល ខណ្ឌកំបូល (អ្នកបើកម៉ូតូ)។
៤-ឈ្មោះ ហ៊ាន សំណាង ភេទប្រុស អាយុ១៥ឆ្នាំ មុខរបរលក់ដូរ ស្នាក់នៅភូមិសាមគ្គី៣ សង្កាត់ត្រពាំងក្រសាំង ខណ្ឌពោធិ៍សែនជ័យ ។
៥-ឈ្មោះ វង្ស សុខសំបូរ ភេទប្រុស អាយុ១៥ឆ្នាំ មុខរបរសិស្សវិទ្យាល័យសន្ធរមុខ ស្នាក់នៅភូមិសាមគ្គី៣ សង្កាត់ត្រពាំងក្រសាំង ខណ្ឌពោធិ៍សែនជ័យ (អ្នកបើកម៉ូតូ)។
៦-ឈ្មោះ ជីង សុចិត្រា ភេទប្រុស អាយុ១៥ឆ្នាំ មុខរបរសិស្សវិទ្យាល័យកំបូល ស្នាក់នៅភូមិតាសេក សង្កាត់កំបូល ខណ្ឌកំបូល (អ្នកបើកម៉ូតូ)។
៧-ឈ្មោះ អាង ពិសាល ភេទប្រុស អាយុ១៦ឆ្នាំ មុខរបរសិស្សវិទ្យាល័យកំបូល ស្នាក់នៅភូមិតាសេក សង្កាត់កំបូលខណ្ឌកំបូល (អ្នកបើកម៉ូតូ)។
៨-ឈ្មោះ ទូច បូរ៉ាវីត ភេទប្រុស អាយុ១៤ឆ្នាំ មុខរបរសិស្សវិទ្យាល័យកំបូល ស្នាក់នៅភូមិតាសេក សង្កាត់កំបូល ខណ្ឌកំបូល។
៩-ឈ្មោះ ចិន្តា សៀវលិ ភេទប្រុស អាយុ ១៥ឆ្នាំ មុខរបរសិស្សវិទ្យាល័យកំបូល ស្នាក់នៅភូមិកំបូល សង្កាត់កំបូល ខណ្ឌកំបូល។
ចំណែកវត្ថុតាងចាប់យក ៖ ម៉ូតូ០៥គ្រឿង ។
បច្ចុប្បន្នយុវជនខាងលើ ត្រូវបានកម្លាំងប៉ុស្តិ៍នគរបាលរដ្ឋបាលកំបូល អប់រំណែនាំ និងធ្វើកិច្ចសន្យា ហើយធ្វើកំណត់ហេតុដកហូតម៉ូតូយកមករក្សាទុក នៅប៉ុស្តិ៍នគរបាលរដ្ឋបាលកំបូល រយៈពេល០៣ខែ ៕
ចែករំលែកព័តមាននេះ