ខេត្តស្ទឹងត្រែង ៖ រយៈពេល៩ខែក្នុងឆ្នាំ២០២៥នេះ មន្ទីរបរិស្ថានខេត្តស្ទឹងត្រែងបានបង្ហាញនូវលទ្ធផលការងារដ៏គត់មត់ក្នុងការគ្រប់គ្រង ការពារ ទប់ស្កាត់ និងបង្ក្រាបបទល្មើសធនធានធម្មជាតិ ដែល ស្ថិតក្រោមដែនដីគ្រប់គ្រងរបស់ខ្លួន នៅក្នុងតំបន់ការពារធម្មជាតិទាំង៩របស់ខេត្ត…
ខេត្តស្ទឹងត្រែង ៖ រយៈពេល៩ខែក្នុងឆ្នាំ២០២៥នេះ មន្ទីរបរិស្ថានខេត្តស្ទឹងត្រែងបានបង្ហាញនូវលទ្ធផលការងារដ៏គត់មត់ក្នុងការគ្រប់គ្រង ការពារ ទប់ស្កាត់ និងបង្ក្រាបបទល្មើសធនធានធម្មជាតិ ដែល ស្ថិតក្រោមដែនដីគ្រប់គ្រងរបស់ខ្លួន នៅក្នុងតំបន់ការពារធម្មជាតិទាំង៩របស់ខេត្ត ។
សរុបជារួមក្នុងរយៈពេល៩ខែ គិតត្រឹមដំណាច់ខែកញ្ញា ឆ្នាំ២០២៥ កម្លាំងជំនាញរបស់មន្ទីរបរិស្ថានបានអនុវត្តប្រតិបត្តិការយ៉ាងសកម្ម ដោយសម្រេចបានពាក់ព័ន្ធ និងការបង្ក្រាបបទល្មើសសរុបទូទាំងខេត្តបានចំនួន១៥០ករណី និងកសាងសំណុំរឿងបញ្ជូនទៅកាន់តុលាការចំនួន៥០ ករណី (រួមទាំងសំណុំរឿងមានភ្ជាប់ជនសង្ស័យ និងសំណុំរឿងអញ្ញាតជន) ដើម្បីចាត់ការតាមនីតិវិធីច្បាប់ ។
ដោយឡែក វត្ថុតាងដែលបានដកហូតពីសកម្មភាពបទល្មើសទាំងនោះរួមមាន ឈើអារសត្វ
ព្រៃរស់ និងសំណាកសត្វព្រៃ ឧបករណ៍នេសាទខុសច្បាប់ និងឧបករណ៍អាជីវកម្មរ៉ែខុសច្បាប់ ដែលបញ្ជាក់ពីភាពចម្រុះនៃប្រភេទបទល្មើស ដែលក្រុមការងារបានដោះស្រាយ ។
កាលពីថ្ងៃទី៣ ខែធ្នូ ឆ្នាំ២០២៥ ចុងក្រោយនេះ កម្លាំងជំនាញនៃមន្ទីរបរិស្ថានក៏បានបន្តប្រតិបត្តិការដោយបានឃាត់ខ្លួនជនសង្ស័យ២នាក់ ដកហូតនិងដុតបំផ្លាញសំណាកសាច់សត្វព្រៃមួយចំនួន ដើម្បីទប់ស្កាត់ការជួញដូរ ។
នេះគឺជាការបង្ហាញពីការប្តេជ្ញាចិត្តយ៉ាងមុតមាំរបស់មន្ទីរបរិស្ថានខេត្តស្ទឹងត្រែង ក្នុងការអនុវត្តច្បាប់ និងការពារធនធានធម្មជាតិដ៏មានតម្លៃក្នុងខេត្តឲ្យបានគង់វង្សសម្រាប់មនុស្សជំនាន់ក្រោយ៕
ចែករំលែកព័តមាននេះ