រាជធានីភ្នំពេញ ៖ អង្កភាពស៊ីម៉ាក់កម្ពុជា និងអង្កការAPOPO បានចុះអនុស្សារណៈយោគយល់(MOU) អនុវត្តគម្រោងសមាហរណកម្មកណ្តុរហិតមីន និងសុនខស្រាវជ្រាវបច្ចេកទេសរយៈពេល១ ឆ្នាំនៅខេត្តសៀមរាប និងខេត្តព្រះវិហារ ។…
រាជធានីភ្នំពេញ ៖ អង្កភាពស៊ីម៉ាក់កម្ពុជា និងអង្កការAPOPO បានចុះអនុស្សារណៈយោគយល់(MOU) អនុវត្តគម្រោងសមាហរណកម្មកណ្តុរហិតមីន និងសុនខស្រាវជ្រាវបច្ចេកទេសរយៈពេល១ ឆ្នាំនៅខេត្តសៀមរាប និងខេត្តព្រះវិហារ ។
លោក ហេង រតនា អគ្គនាយកស៊ីម៉ាក់កម្ពុជា បានឲ្យដឹងថា នៅ ថ្ងៃទី៤ ខែធ្នូ ឆ្នាំ២០២៥ នៅទីបញ្ជាការកណ្តាលស៊ីម៉ាក់ភ្នំពេញ ខ្ញុំ និងលោក Michael Raine ប្រធានអង្គការ APOPO ប្រចាំនៅកម្ពុជា បានចុះហត្ថលេខាលើ MoU រវាងអង្គភាព CMAC និងអង្គការ APOPO ដើម្បីអនុវត្តន៍គម្រោងសមាហរណកម្មកណ្តុរហិតមីន និងសុនខស្រាវជ្រាវបច្ចេកទេស ដែលមានថវិកាគាំទ្រគម្រោងចំនួន២៨១.៤៩០,៣៥ ដុល្លាអាមេរិក សម្រាប់រយៈពេល១ឆ្នាំ ចាប់ផ្តើមពីថ្ងៃទី០១ ខែមករា ឆ្នាំ២០២៦ ដល់ថ្ងៃទី៣១ ខែធ្នូ ឆ្នាំ២០២៦ និងមានផែនការបោសសម្អាតផ្ទៃដីចំនួន៧.៥៦០.០០០ម៉ែត្រក្រឡា ក្នុងខេត្តគោលដៅខេត្តសៀមរាប និងខេត្តព្រះវិហារ ។
ឯកឧត្តមបានលើកលើងថា អង្គភាព CMAC និងអង្គការ APOPO បានចាប់ផ្តើមកិច្ចសហប្រតិបតត្តិការក្នុងភាពជាដៃគូលើគម្រោងបោសសម្អាតមីននេះ មានរយៈពេល១២ឆ្នាំមកហើយលើកម្មវិធីបោសសម្អាតមីន ដោយកណ្តុរហិតមីននេះ ។
បន្ថែមពីលើកិច្ចសហប្រតិបត្តិការបោសសម្អាតមីននៅកម្ពុជា អង្គភាពក៏បានសហការគ្នាពង្រឹងកិច្ចសហប្រតិបត្តិការទៅឆាកអន្តរជាតិ តាមរយៈការបញ្ចូនសុនខហិតមីនប្រទេសទួកគី និងប្រទេសនៅអាហ្វ្រិចកណ្តាលជាដើម។
ទន្ទឹងនឹងនេះ ក៏បានគាំទ្រមន្ត្រីជំនាញទៅហ្វឹកហ្វឺនដល់បណ្តាប្រទេសទាំងនោះ និងទទួលយកមកហ្វឹកហ្វឺននៅកម្ពុជាផងដែរ៕
ចែករំលែកព័តមាននេះ