ប្រទេសឥណ្ឌូណេស៊ី ៖ ការខឹងសម្បារកាន់តែកើនឡើងនៅឥណ្ឌូណេស៊ី ប្រឈមមុខនឹងការយឺតយ៉ាវក្នុងការជួយសង្គ្រោះ ក្នុងបណ្ដាតំបន់រងគ្រោះដោយទឹកជំនន់ ដែលតំបន់ខ្លះនៅឯកោបន្តទៀត។ គ្រោះទឹកជំនន់ និងការបាក់ដីដ៏អាក្រក់បំផុតនៅប្រទេសនោះ បណ្ដាលឲ្យមនុស្សស្លាប់មកដល់ថ្ងៃទី៣ ធ្នូ…
ប្រទេសឥណ្ឌូណេស៊ី ៖ ការខឹងសម្បារកាន់តែកើនឡើងនៅឥណ្ឌូណេស៊ី ប្រឈមមុខនឹងការយឺតយ៉ាវក្នុងការជួយសង្គ្រោះ ក្នុងបណ្ដាតំបន់រងគ្រោះដោយទឹកជំនន់ ដែលតំបន់ខ្លះនៅឯកោបន្តទៀត។
គ្រោះទឹកជំនន់ និងការបាក់ដីដ៏អាក្រក់បំផុតនៅប្រទេសនោះ បណ្ដាលឲ្យមនុស្សស្លាប់មកដល់ថ្ងៃទី៣ ធ្នូ កើនដល់៧៥៣នាក់ហើយ ។ ទឹកជំនន់និងការបាក់ដីក៏មានភាពធ្ងន់ធ្ងរដែរ នៅប្រទេសស្រីលង្ការដែលចំនួនអ្នកស្លាប់សរុបក្នុងប្រទេសទាំង២ កើនដល់លើសពី១៣០០នាក់ហើយ ។
ភ្លៀងធ្លាក់ខ្លាំងរួមនឹងព្យុះស៊ីក្លូនត្រូពីកាល់២ដាច់ដោយឡែងពីគ្នា កាលពីសប្ដាហ៍មុន បណ្ដាលឲ្យមានទឹកជន់លិច និងការបាក់ដី នៅតំបន់មួយចំនួននៃកោះស៊ូម៉ាត្រាឥណ្ឌូណេស៊ី និងនៅប្រទេសស្រីលង្កាទាំងមូល ព្រមទាំងនៅភាគខាងត្បូងថៃនិងភាគខាងជើងម៉ាឡេស៊ី ។ នៅឥណ្ឌូណេស៊ីតុល្យការចុងក្រោយ រៀបរាប់ពីមនុស្សស្លាប់ឡើងដល់៧៥៣នាក់ ជាមួយអ្នកបាត់ខ្លួនដល់៦៥០នាក់។
ឧតុនិយមអាក្រក់បំផុតនៅឥណ្ឌូណេស៊ីក៏បង្កឲ្យនមានភ្លៀងធ្លាក់ខ្លាំងនៅថៃ បណ្ដាលឲ្យមនុស្សស្លាប់យ៉ាងតិច១៧៦នាក់និងនៅម៉ាឡេស៊ីដែលមានមនុស្សស្លាប់២នាក់។ តំបន់ដ៏ធំនៃប្រទេសទាំងនោះ ព្រមទាំងប្រទេសហ្វ៊ីលីពីន វៀតណាម មីយ៉ាន់ម៉ានិងតំបន់មួយចំនួននៃប្រទេសកម្ពុជានិងឡាវជួបប្រទះភ្លៀងធ្លាក់ខ្លាំងពុំធ្លាប់ជួបប្រទះក្នុងខែវិច្ឆិកា ៕
ចែករំលែកព័តមាននេះ