ខេត្តសៀមរាប ៖ អ្នកជំនាញការអាដហុកអាយស៊ីស៊ីអង្គរ/សំបូរព្រៃគុក បន្តចុះពិនិត្យការដ្ឋានជួសជុលនៅរាជវាំង នៃអតីតក្រុងអង្គរធំ ។ នេះបើយោងតាមផេកអាជ្ញាធរជាតិអប្សរា បានប្រកាសនារសៀល ថ្ងៃទី០៣ ខែធ្នូ…
ខេត្តសៀមរាប ៖ អ្នកជំនាញការអាដហុកអាយស៊ីស៊ីអង្គរ/សំបូរព្រៃគុក បន្តចុះពិនិត្យការដ្ឋានជួសជុលនៅរាជវាំង នៃអតីតក្រុងអង្គរធំ ។ នេះបើយោងតាមផេកអាជ្ញាធរជាតិអប្សរា បានប្រកាសនារសៀល ថ្ងៃទី០៣ ខែធ្នូ ឆ្នាំ២០២៥ ។
អាជ្ញាធរជាតិអប្សរា បានបញ្ជាក់ថា អ្នកជំនាញការអាដហុក នៃគណៈកម្មាធិការអន្តរជាតិសម្របសម្រួលកិច្ចគាំពារ និងអភិវឌ្ឍន៍តំបន់រមណីយដ្ឋានប្រវត្តិសាស្ត្រអង្គរ និងសំបូរព្រៃគុក ហៅកាត់ថា អាយស៊ីស៊ី-អង្គរ/សំបូរព្រៃគុក រួម និងអ្នកជំនាញខ្មែរនៃអាជ្ញាធរជាតិអប្សរា បានចុះពិនិត្យតាមការដ្ឋានជួសជុលមួយចំនួន នៅខ្លោងទ្វារខាងត្បូង ខាងជើង និងការកំណាយស្រាវជ្រាវក្នុងគម្រោងជួសជុលរាជវាំងនៃអតីតរាជធានីក្រុងអង្គរធំ នាថ្ងៃទី០៣វិច្ឆិកា ឆ្នាំ២០២៥ ។
ការងារនេះ ធ្វើឡើងក្នុងបំណងសិក្សា និងពិនិត្យការងារ ដែលអនុលោមតាមអនុសាសន៍ដែលអ្នកជំនាញការបានផ្តល់អនុសាសន៍នាពេលកន្លងមក។
ការចុះត្រួតពិនិត្យជាប្រចាំនេះ បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា និងដៃគូអន្តរជាតិ ក្នុងការថែរក្សាការពារសម្បត្តិបេតិកភណ្ឌពិភពលោកមួយនេះ ឱ្យនៅគង់វង្សសម្រាប់មនុស្សជាតិជំនាន់ក្រោយ៕
ចែករំលែកព័តមាននេះ