របាយការណ៍របស់នាយកដ្ឋានប្រឆាំងគ្រឿងញៀន ដែលបានចេញ កាលពីថ្ងៃទី០១ ខែធ្នូ ឆ្នាំ២០២៥ បានឲ្យដឹងថា ប្រទេសកម្ពុជាបានរាយការណ៍ពីការកើនឡើងនៃចំនួនមនុស្សដែលត្រូវបានចាប់ខ្លួន ប៉ុន្តែបរិមាណគ្រឿងញៀ.ន ដែលរឹបអូសបានក្នុងរយៈពេល១១ខែដំបូង នៃឆ្នាំ…
របាយការណ៍របស់នាយកដ្ឋានប្រឆាំងគ្រឿងញៀន ដែលបានចេញ កាលពីថ្ងៃទី០១ ខែធ្នូ ឆ្នាំ២០២៥ បានឲ្យដឹងថា ប្រទេសកម្ពុជាបានរាយការណ៍ពីការកើនឡើងនៃចំនួនមនុស្សដែលត្រូវបានចាប់ខ្លួន ប៉ុន្តែបរិមាណគ្រឿងញៀ.ន ដែលរឹបអូសបានក្នុងរយៈពេល១១ខែដំបូង នៃឆ្នាំ ២០២៥ ឃើញថាថយចុះ ។
ប្រភពដដែលបានឲ្យដឹងថា អាជ្ញាធរបានឃុំខ្លួនជនសង្ស័យពាក់ព័ន្ធនឹងគ្រឿងញៀ.នចំនួន ២៤.១៦៨ នាក់ ក្នុងអំឡុងពេលខែមករា ដល់ខែវិច្ឆិកា ឆ្នាំនេះកើនឡើង២,៤ ភាគរយធៀបនឹងចំនួន២៣.៦០១ នាក់ ក្នុងរយៈពេលដូចគ្នា កាលពីឆ្នាំមុន ដោយបន្ថែមថា ជនសង្ស័យចំនួន ៨៧០នាក់ជាជនបរទេស ។
របាយការណ៍នេះបាននិយាយថា «គ្រឿងញៀ.នខុសច្បាប់ សរុបចំនួន៥,៧៧ តោន ត្រូវបានរឹបអូស ពីការកាន់កាប់របស់ជនសង្ស័យទាំងនោះ ក្នុងអំឡុងពេលចាប់ពីថ្ងៃទី១ ខែមករា ដល់ថ្ងៃទី ៣០ ខែវិច្ឆិកា ឆ្នាំ២០២៥» ។
របាយការណ៍នេះ បានបន្ថែមថា បរិមាណគ្រឿងញៀនដែលរឹបអូសបានតំណាងឱ្យការថយចុះគួរឱ្យកត់សម្គាល់ពី១៣,៣ តោន ដែលរឹបអូសបាន ក្នុងរយៈពេល១១ខែដំបូងនៃឆ្នាំ២០២៤ ។
គ្រឿងញៀ.នភាគច្រើនដែលរឹបអូសបាន គឺកេតាមីន អេស្តាស៊ី ហេរ៉ូអីន មេតំហ្វេតាម៉ីន និងកូកាអ៊ិនជាដើម ៕
ចែករំលែកព័តមាននេះ