«លើកទី១អប់រំ លើកក្រោយគ្មានលើកលែង» អភិបាលខេត្តស្ទឹងត្រែង ព្រមានក្រុមយុវជនដើរលេងយប់
- ស្ទឹងត្រែង
ខេត្តស្ទឹងត្រែង ៖ លោក សរ សុពុត្រា អភិបាលនៃគណៈអភិបាលខេត្តស្ទឹងត្រែង បានប្រកាសនារសៀលថ្ងៃទី៣០ ខែវិច្ឆិកា ឆ្នាំ២០២៥នេះ ៖…
ខេត្តស្ទឹងត្រែង ៖ លោក សរ សុពុត្រា អភិបាលនៃគណៈអភិបាលខេត្តស្ទឹងត្រែង បានប្រកាសនារសៀលថ្ងៃទី៣០ ខែវិច្ឆិកា ឆ្នាំ២០២៥នេះ ៖ លទ្ធផលយប់ជ្រៅហើយ មិនព្រមចូលផ្ទះ នៅពពាក់ពពូន តាមទីសាធារណៈក្នុងខេត្ត សង្ឃឹមថា ការផុសនេះជាសារដាស់តឿនដល់ក្មួយៗផ្សេងទៀត កុំឱ្យយកគំរូតាម ។
លោក សរ សុពុត្រា បានបញ្ជាក់ថា ៖ កម្លាំងអន្តរាគមន៍នៃស្នងការដ្ឋាននគរបាលខេត្តស្ទឹងត្រែង បានល្បាតរក្សាសន្តិសុខក្នុងភូមិសាស្ត្រក្រុងស្ទឹងត្រែង ប្រទះឃើញមានប្រមូលផ្តុំ ពពាក់ពពូនតាមទីសាធារណៈ ដែលអាចបង្ករឱ្យមានការភិតភ័យដល់ប្រជាជនក្នុងមូលដ្ឋាន។
លើកទី១ អប់រំណែនាំ ធ្វើកិច្ចសន្យា ប្រគល់ឱ្យអាណាព្យាបាល បើនៅតែមិនរៀងចាល នោះវិធានការបន្តបន្ទាប់ នឹងត្រូវអនុវត្តដោយគ្មានការលើកលែង ។
សូមបញ្ជាក់ថា ៖ លោកអភិបាលខេត្ត ក៏បានសំណូមពរ និងសង្ឃឹមថា ការបង្ហោះផ្សព្វផ្សាយករណីនេះ នឹងក្លាយជាសារដាស់តឿនដល់យុវជនដទៃទៀត (ក្មួយៗ) ឱ្យចៀសវាងការយកគំរូតាម និងងាកមកខិតខំរៀនសូត្រ ស្តាប់ដំបូន្មានឪពុកម្តាយ ដើម្បីក្លាយជាពលរដ្ឋល្អក្នុងសង្គម ។
គួរបញ្ជាក់ផងដែរថា ប្រតិបត្តិការនេះ គឺជាផ្នែកមួយនៃការអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» ដើម្បីធានាថា ខេត្តស្ទឹងត្រែងនៅតែជាខេត្តដែលមានសុវត្ថិភាព និងភាពកក់ក្តៅសម្រាប់ប្រជាពលរដ្ឋគ្រប់រូប ៕
ចែករំលែកព័តមាននេះ