ខេត្តតាកែវ ៖ ជនសង្ស័យប្រើប្រាស់ រក្សាទុកនឹងជួញដូគ្រឿងចំនួន៣នាក់ត្រូវកំលាំងកងរាអាវុធហត្ថបង្ក្រាបបានជាបន្តបន្ទាប់ រួមជា១វត្ថុតាងរួចបានក៍សាងសំណុំរឿងបញ្ជូនទៅសាលាដំបូងខេត្តដើម្បីកាត់ទោសទៅតាមច្បាប់ហើយនៅថ្ងៃទី៣០ ខែវិច្ឆិកា ឆ្នាំ២០២៥នេះ។ លោកឧត្តមសេនីយ៍ត្រី សេង មហា…
ខេត្តតាកែវ ៖ ជនសង្ស័យប្រើប្រាស់ រក្សាទុកនឹងជួញដូគ្រឿងចំនួន៣នាក់ត្រូវកំលាំងកងរាអាវុធហត្ថបង្ក្រាបបានជាបន្តបន្ទាប់ រួមជា១វត្ថុតាងរួចបានក៍សាងសំណុំរឿងបញ្ជូនទៅសាលាដំបូងខេត្តដើម្បីកាត់ទោសទៅតាមច្បាប់ហើយនៅថ្ងៃទី៣០ ខែវិច្ឆិកា ឆ្នាំ២០២៥នេះ។
លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវបានអោយដឹងថាដោយមានការសម្របសម្រួលនីតិវិធី ដោយលោកឯក ឆេងហួត ព្រះរាជអាជ្ញាអមសាលាដំបូងខេត្តតាកែវ លោក សុិន វិរៈ ព្រះរាជអាជ្ញាអមសាលាដំបូងខេត្តកំពង់ស្ពឺ។
កាលពីថ្ងៃទី២៦ ខែវិច្ឆិកា ឆ្នាំ២០២៥កន្លងទៅនេះលោកបានបញ្ជាអោយមន្ទីរស្រាវជ្រាវនិងបង្ក្រាបបទល្មើស ដឹកនាំដោយលោកអនុសេនីយ៍ឯក ជួន តូរៈតៈ នាយការិយាល័យប្រឆាំងគ្រឿងញៀនបានចុះប្រតិបត្តិការបង្ក្រាបករណី ដឹកជញ្ជូន រក្សាទុក ជួញដូរនិងប្រើប្រាស់ដោយខុសច្បាប់នូវសារធាតុញៀន ជាបន្តបន្ទាប់នៅភូមិព្រៃក្តួច ឃុំត្រពាំងក្រញូង ស្រុកត្រាំកក់ ខេត្តតាកែវ។
លោកឧត្តមសេនីយ៍មេបញ្ជាការកងរាជអាវុធហត្ថខេត្តបានបន្តទៀតថា នៅថ្ងៃទី២៩ ខែវិច្ឆិកា ឆ្នាំ២០២៥ បន្តពន្លាតដែនសមត្ថកិច្ច ទៅខេត្តកំពង់ស្ពឺ សហការជាមួយកម្លាំងមូលដ្ឋានកងរាជអាវុធហត្ថស្រុកបសេដ្ឋ បានចុះបង្ក្រាប នៅចំណុច ភូមិត្មាតលេង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។
លទ្ធផលឃាត់ខ្លួនជនសង្ស័យ បានចំនួន ០៣ នាក់ (ប្រុស)
១/ ឈ្មោះ ភា ប៉ាក់ទី ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិផ្លូវលោក ឃុំត្រពាំងក្រញូង ស្រុកត្រាំកក់ ខេត្តតាកែវ។
២/ ឈ្មោះ យិន រិទ្ធ ភេទប្រុស អាយុ ២១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិ ឬស្សីមួយគុម្ភ ឃុំ អូរសារាយ ស្រុកត្រាំកក់ ខេត្តតាកែវ។
៣/ ឈ្មោះ ហម សំណាង ភេទប្រុសអាយុ២០ ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិត្មាតលេង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។
+ដកហូតវត្ថុតាងរួមមាន៖
១/ ម្សៅក្រាមពណ៌សថ្លា ចំនួន ០៤ កញ្ចប់ ទម្ងន់ ៣៥.៤៩ ក្រាម (ថ្លឹងទាំងសំបកថង់)
២/ អាវុធខ្លីចំនួន ០២ ដើម(ម៉ាកLock 19 និងម៉ាកPATA )
៣/ បង់ចំនួន ០៣
៤/ គ្រាប់ចំនួន ១៨១ គ្រាប់
៥/ ទូរស័ព្ទចំនួន ០៤ គ្រឿង
៦/ រថយន្ដ ចំនួន ០២ គ្រឿង
៧/ ម៉ូតូ ចំនួន ០៣ គ្រឿង
៨/ ស្លាកលេខរថយន្ត ចំនួន ០២ សន្លឹក
៩/ ប្រអប់ដាក់អាវុធខ្លីចំនួន ០២
១០/ សម្ភារៈវេចខ្ចប់និងសម្ភារៈប្រើប្រាស់គ្រឿងញៀនមួយចំនួន។
នៅចំពោះមុខមន្ត្រីសមត្ថកិច្ចជំនាញ ជនសង្ស័យបាននិយាយសារភាពថាពួកគេពិតជាបានរកសុីនឹងប្រើប្រាស់គ្រឿងញៀនពិតប្រាកដមែន ។
ពេលនេះជនសង្ស័យ រួមនិងវត្ថុតាង ការិយាល័យជំនាញ បានកសាងសំណុំរឿង បញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕
ចែករំលែកព័តមាននេះ