ខេត្តសៀមរាប ៖ មិនត្រឹមតែជាអ្នកការពារសន្តិសុខ សណ្តាប់ធ្នាប់ និងសុវត្ថិភាពជូនប្រជាពលរដ្ឋប៉ុណ្ណោះទេ ប៉ុន្តែកងកម្លាំងនគរបាលនៃខេត្តសៀមរាប បានបង្ហាញឱ្យឃើញនូវទឹកចិត្តមនុស្សធម៌ និងការយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋ តាមរយៈសកម្មភាពចុះជួយប្រមូលផលស្រូវជូនគ្រួសារដែលមានជីវភាពខ្វះខាតជាក់ស្តែងដល់មូលដ្ឋាន ។…
ខេត្តសៀមរាប ៖ មិនត្រឹមតែជាអ្នកការពារសន្តិសុខ សណ្តាប់ធ្នាប់ និងសុវត្ថិភាពជូនប្រជាពលរដ្ឋប៉ុណ្ណោះទេ ប៉ុន្តែកងកម្លាំងនគរបាលនៃខេត្តសៀមរាប បានបង្ហាញឱ្យឃើញនូវទឹកចិត្តមនុស្សធម៌ និងការយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋ តាមរយៈសកម្មភាពចុះជួយប្រមូលផលស្រូវជូនគ្រួសារដែលមានជីវភាពខ្វះខាតជាក់ស្តែងដល់មូលដ្ឋាន ។
នេះបើយោងតាម ស្នងការដ្ឋាននគរបាលខេត្តសៀមរាប បានប្រកាសទី២៩ ខែវិច្ឆិកា ឆ្នាំ២០២៥ថា ៖ នៅព្រឹកថ្ងៃទី២៩ ខែវិច្ឆិកា ឆ្នាំ២០២៥ វេលាម៉ោង០៨:០០នាទី ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការនៃស្នងការដ្ឋាននគរបាលខេត្ដសៀមរាប បានចាត់កម្លាំងប៉ុស្តិ៍នគរបាលរដ្ឋបាលគោកចក ចុះជួយច្រូតស្រូវជូនបងប្អូនប្រជាពលរដ្ឋ ដែលមានជីវភាពខ្វះខាត ប្រមាណជា២ហិចតា នៅភូមិគោកបេង សង្កាត់គោកចក ក្រុងសៀមរាប ខេត្តសៀមរាប ។
សកម្មភាពនេះ បានឆ្លុះបញ្ចាំងឱ្យឃើញពីភាពស្និទ្ធស្នាលរវាង «នគរបាល និងប្រជាជន» ដូចត្រី និងទឹក ដែលមិនអាចកាត់ផ្តាច់បាន ។ នេះជាគំរូដ៏ល្អមួយសម្រាប់មន្ត្រីរាជការ និងកងកម្លាំងប្រដាប់អាវុធដទៃទៀត ក្នុងការបម្រើប្រជាពលរដ្ឋដោយស្មោះត្រង់ និងផ្សារភ្ជាប់ទំនាក់ទំនងឱ្យកាន់តែរឹងមាំ ដើម្បីសេចក្តីសុខ និងការអភិវឌ្ឍនៅក្នុងសង្គមជាតិ៕
ចែករំលែកព័តមាននេះ