ខេត្តកំពង់ស្ពឺ៖ ក្រុមក្មេងទំនើងចូលចិត្តដើរលេងដាច់យប់ចំនួន១០នាក់ ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួន ចំនួន៣ទីតាំងផ្សេងគ្នា ដើម្បីធ្វើកិច្ចសន្យា និងហៅអាណាព្យាបាលមកទទួលយកអប់រំបន្តបញ្ឈប់ទង្វើរដែលសង្គមមិនទទួលស្គាល់នេះ។
នគរបាលស្រុកបសេដ្ឋបាននិយាយឱ្យដឹងថា ការចុះឃាត់ក្រុមក្មេងទំនើងដើរលេងដាច់យប់នេះ ដោយក្រោមការចង្អុលបង្ហាញពីលោកស្នងការនគរបាលខេត្ត ក៏ដូចជាបទបញ្ជាររបស់លោកអភិបាលខេត្តកំពង់ស្ពឺផងដែរ។ ទើបកម្លាំងនគរបាលស្រុកបសេដ្ឋសហការធ្វើការល្បាត នៅវេលាម៉ោង១១រំលងអាធ្រាត្រ ថ្ងៃទី២៨ ខែវិច្ឆិកា ឆ្នាំ២០២៥ រហូតដល់ វេលាម៉ោង០២ ទៀបភ្លឺឈានចូលថ្ងៃទី២៩ ខែវិច្ឆិកា ឆ្នាំ២០២៥ កំលាំងនៃអធិការដ្ឋានស្រុកបសេដ្ឋបានសហការតាមបណ្តាប៉ុស្តិ៍រដ្ឋបាលឃុំទាំង១៥ បានធ្វើការចុះល្បាតតាមមូលដ្ឋាន តំបន់ស្មុគស្មាញ និងនៅលើដងផ្លូវងាយរងគ្រោះធ្វើការឃាត់យកសួរមុខសញ្ញាក្រុមក្មេងទំនើងដើរដាច់យប់។
នគរបាលស្រុកបសេដ្ឋបានបន្តថា៖ កម្លាំងនគរបាលរដ្ឋបាលឃុំបសេដ្ឋបានល្បាត នៅលើជាតិផ្លូវលេខ៤១ ហើយបានឃាត់ក្រុមក្មេងទំនើងដើរលេងដាច់យប់ចំនួន០២ក្រុមដែលមានគ្នាចំនួន០៥នាក់ រួមម៉ូតូ០៣គ្រឿង នៅវេលាម៉ោង១១និង២០នាទីរំលងអាធ្រាត្រ ចំណុចលើជាតិផ្លូវលេខ៤១ ចន្លោះបង្គោលគីឡូម៉ែត្រលេខ៤០ទៅលេខ៤១ ស្ថិតនៅក្នុងភូមិបឹងស្តុក ឃុំបសេដ្ឋ ស្រុកបសេដ្ឋ ដែលក្រុមទី១មានគ្នាចំនួន០៣នាក់ម៉ូតូ០១គ្រឿង÷ ទី១~ឈ្មោះ សុខ ជេម ភេទប្រុស អាយុ១៨ឆ្នាំ
ទី២~ឈ្មោះ វែង សុខជា ភេទប្រុស អាយុ២២ឆ្នាំ ០២នាក់ រស់នៅភូមិម្រាល ឃុំពោធិម្រាល ស្រុកបសេដ្ឋ ខេត្តកំពង់ស្ពឺ និងទី៣~ឈ្មោះ មន ពន្លឺ ភេទប្រុស អាយុ១៨ឆ្នាំ រស់នៅភូមិតាដែងចាស់ ឃុំពោធិម្រាល ស្រុកបសេដ្ឋ ជិះម៉ូតូ០១គ្រឿងម៉ាកស្កុបពី ពណ៌ខ្មៅ ស៊េរីឆ្នាំ២០២៣ គ្មានផ្លាកលេខនោះទេ។
ចំណែកក្រុមទី២មានគ្នាចំនួន០២នាក់ រួមម៉ូតូ០២គ្រឿង ទី១~មានឈ្មោះ ទ្រី វិច្ឆិកា ភេទប្រុស អាយុ២៣ឆ្នាំ រស់នៅភូមិព្រៃរំដួលខាងជើង ឃុំបសេដ្ឋ ស្រុកបសេដ្ឋ និងទី២~មានឈ្មោះ ចិន ម៉េងគឹមសុខ ភេទប្រុស អាយុ២០ឆ្នាំ រស់នៅភូមិត្រពាំងទឹម ឃុំពោធិចំរើន ស្រុកបសេដ្ឋ ជិះម៉ូតូ០១គ្រឿងម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០២៥ ពាក់ផ្លាកលេខកំពង់ស្ពឺ 1AA- 4912
និងម៉ូតូ០១គ្រឿងទៀតម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០២០ ស្លាកលេខ ភ្នំពេញ 1IF- 3384 ។
នគរបាលស្រុកបសេដ្ឋបាននិយាយបន្តទៀតថា រីឯក្រុមក្មេងទំនើងដើរលេងដាច់យប់នៅលើផ្លូវជាតិលេខ៣វិញ កម្លាំងនគរបាលប៉ុស្តិ៍រដ្ឋបាលឃុំទួលអំពិលបានធ្វើការឃាត់ខ្លួនចំនួន០៥នាក់ រួមម៉ូតូចំនួន ០២គ្រឿង ឃាត់ខ្លួននៅចំណុចផ្លូវជាតិលេខ០៣ ស្ថិតនៅក្នុងភូមិត្រពាំងខ្យង ឃុំទួលអំពិល ស្រុកបសេដ្ឋ ខេត្តកំពង់ស្ពឺ កាលពីវេលាម៉ោង ១២និង១០នាទី ឈានចូលថ្ងៃទី២៩ ខែវិច្ឆិកា ឆ្នាំ២០២៥ ទី១~ឈ្មោះ ប៉ឹក ជីវ័ន្ដ ភេទប្រុស អាយុ១៧ឆ្នាំ រស់នៅភូមិរកាពក ឃុំទួលអំពិល ស្រុកបសេដ្ឋ ខេត្តកំពង់ស្ពឺ ទី២~ឈ្មោះ ទូច សារៀង ភេទប្រុស អាយុ ២៣ឆ្នាំ រស់នៅភូមិព្រៃពាយ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
ទី៣~ឈ្មោះសុង វិថេប ភេទប្រុស អាយុ១១ឆ្នាំ រស់នៅភូមិព្រៃស្មាច់ ឃុំព្រៃវិហារ ស្រុកគងពិសី ខេត្តកំពង់ស្ពឺ ទី៤~ឈ្មោះឆាវ សុខឃីត ភេទប្រុស អាយុ ១៣ឆ្នាំ រស់នៅភូមិព្រៃស្មាច់ ឃុំព្រៃវិហារ ស្រុកគងពិសី ខេត្តកំពង់ស្ពឺ និងទី៥~ឈ្មោះសារី ចំណាន ភេទប្រុស អាយុ១៥ឆ្នាំ រស់នៅភូមិព្រៃស្មាច់ ឃុំព្រៃវិហារ ស្រុកគងពិសី ខេត្តកំពង់ស្ពឺ ជិះម៉ូតូម៉ាកហុងដាសេ១២៥ ស៊េរីឆ្នាំ២០២៥ គ្មានផ្លាកលេខនោះទេ និងម៉ូតូ០១គ្រឿងទៀតម៉ាកហុងដាសេ១២៥ ស៊េរីឆ្នាំ២០២៤ គ្មានផ្លាកលេខដែរ។
ក្រោយធ្វើការឃាត់ខ្លួនក្រុមក្មេងទំនើងខាងលើ បាននាំខ្លួនយកមកសួរនាំ និងរក្សាម៉ូតូទុកនៅអធិការដ្ឋានស្រុកបសេដ្ឋ ដើម្បីស្រាវជ្រាវពាក់ព័ន្ធនិងបទល្មើសផ្សេងៗ និងធ្វើការកោហៅអាណាព្យាបាល និងឪពុកម្តាយ មកធ្វើកិច្ចសន្យា ធានាយកទៅធ្វើការអប់រំបញ្ឈប់ធ្វើទង្វើរបែបនេះបន្តទៀត៕
ចែករំលែកព័តមាននេះ