រាជធានីភ្នំពេញ ៖ សង្ស័យឆ្លងចរន្តអគ្គិសនីនៅបន្ទប់ឡៅតឿធ្វើអោយឆាបឆេះផ្ទះមួយខ្នងស្ទើរស្រុង រួមទាំងសម្ភារៈអស់មួយចំនួនធំ ប៉ុន្តែមិនមានមនុស្សណាម្នាក់រងរបួសឡើយ ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង ០៦និង២៥នាទីយប់ថ្ងៃទី ២៨ ខែវិច្ឆិកា…
រាជធានីភ្នំពេញ ៖ សង្ស័យឆ្លងចរន្តអគ្គិសនីនៅបន្ទប់ឡៅតឿធ្វើអោយឆាបឆេះផ្ទះមួយខ្នងស្ទើរស្រុង រួមទាំងសម្ភារៈអស់មួយចំនួនធំ ប៉ុន្តែមិនមានមនុស្សណាម្នាក់រងរបួសឡើយ ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង ០៦និង២៥នាទីយប់ថ្ងៃទី ២៨ ខែវិច្ឆិកា ឆ្នាំ២០២៥ នៅចំណុចក្រោយផ្សារច្រាំងចំរេះទី២ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ ។
តាមការបញ្ជាក់ពីម្ចាស់ផ្ទះបានអោយដឹងថា មុនពេលកើតហេតុ គាត់កំពុងអង្គុយលេងក្រោមផ្ទះ ខណៈនោះគាត់ក៏បានឮសម្លេងផ្ទុះចេញពីបន្ទប់ឡៅតឿ ។ ភ្លាមៗនោះគាត់បានរត់ស្ទុះឡើងទៅមើលនៅខាងលើ ប៉ុន្តែដោយសារមានអណ្តាតភ្លើងឆេះលឿនពេក ទើបគាត់រត់ចេញមកក្រៅស្រែកបង្កការភ្ញាក់ផ្អើលដល់ប្រជាពលរដ្ឋក្បែរខាង នាំគ្នាយកទុយោទឹកទៅបាញ់តែមិនអាចទប់ទល់បាន ទើបប្រញាប់រាយការណ៍ជូនសមត្ថកិច្ចអោយជួយហៅរថយន្តពន្លត់អគ្គិភ័យមកជួយអន្តរាគមន៍ ដើម្បីកុំអោយមានការរាលដាលដល់ផ្ទះប្រជាពលរដ្ឋក្បែរនោះ ។
អគ្គិភ័យនេះដែរបានឆាបឆេះអស់សម្ភារៈខាងក្នុងផ្ទះអស់ទាំងស្រុង នឹងបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញចំនួន០៦គ្រឿង ប្រើប្រាស់ទឹកចំនួន០៣គ្រឿង ។ ចំពោះមូលហេតុ សមត្ថកិច្ចបានសន្និដ្ឋានបានអោយដឹងថា មកពីឆ្លងចរន្តអគ្គិសនី តែមិនមានអ្នករងរបួសទេ ៕
ចែករំលែកព័តមាននេះ