ខេត្តកំពង់ស្ពឺ ៖ បង្ក្រាបបានហើយ អ្នកគុណនិយមទើបចុះពីលើភ្នំ ម្ចាស់ដាវពិឃា.តគ្មានស្រមោល ។ នេះបើយោងតាមផេកស្នងការដ្ឋាននគរបាលខេត្តកំពង់ស្ពឺ បានប្រកាសនាថ្ងៃទី២៩ ខែវិច្ឆិកា ឆ្នាំ២០២៥…
ខេត្តកំពង់ស្ពឺ ៖ បង្ក្រាបបានហើយ អ្នកគុណនិយមទើបចុះពីលើភ្នំ ម្ចាស់ដាវពិឃា.តគ្មានស្រមោល ។ នេះបើយោងតាមផេកស្នងការដ្ឋាននគរបាលខេត្តកំពង់ស្ពឺ បានប្រកាសនាថ្ងៃទី២៩ ខែវិច្ឆិកា ឆ្នាំ២០២៥ ។
ដោយបានការបញ្ជាដឹកនាំដ៏ខ្ពង់ខ្ពស់ពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កម្លាំងអធិការដ្ឋាននគរបាលស្រុកសាមគ្គីមុនីជ័យ លោកវរសេនីយ៍ទោ សាវ សុភក្ដី អធិការនគរបាលស្រុកសាមគ្គីមុនីជ័យ បានអោយផ្នែកព្រហ្មទណ្ឌ និងផ្នែកសន្ដិសុខ ធ្វើការសហការស្រាវជ្រាវលើមុខសញ្ញារក្សាទុក និងប្រើប្រាស់អាវុធខុសច្បាប់ កាន់ដាវរួចថតបង្ហោះចែកចាយតាមបណ្ដាញសង្គម ។
នៅថ្ងៃទី២៩ ខែវិច្ឆិកា ឆ្នាំ២០២៥ កម្លាំងបានស្រាវជ្រាវរកឃើញក្មេងទំនើ.ងម្នាក់មាន ឈ្មោះ សុផល វាសនា ភេទប្រុស អាយុ២០ឆ្នាំ រស់នៅភូមិព្រៃធំ ឃុំយុទ្ធសាមគ្គី ស្រុកសាមគ្គីមុនីជ័យ ដែលជាម្ចាស់គណនីហ្វេសប៊ុក មានឈ្មោះ Djz Fong បានធ្វើសកម្មភាពបង្ហោះម៉ូតូ នៅលើផ្លូវបេតុង ស្ថិតនៅក្នុងភូមិត្រពាំងល្ពាក់ ឃុំយុទ្ធសាមគ្គី ស្រុកសាមគ្គីមុនជ័យ និងជាអ្នកផុសបង្ហោះ Storry ដោយកាន់ដាវមួយដើមផងដែ រ ។
ក្នុងប្រតិបត្ដិការខាងលើ សមត្ថកិច្ចដកហូតបានដាវ១ដើម នឹងម៉ូតូ១គ្រឿងម៉ាក CRFមួយគ្រឿង និងជននេះបានសារភាពថា« មូលហេតុដែលរូបគេថតកាន់ដាវរួចបង្ហោះនោះ គឺដើម្បីធ្វើការគំរាម ទៅអ្នកដែលធ្វើការនៅក្នុងរោងចក្រជាមួយគ្នាឱ្យប្រយ័ត្នខ្លួន ក្រោយពីបានឈ្លោះប្រកែកគ្នាជាមួយប្រពន្ធរបស់ខ្លួន ។ បច្ចុប្បន្នជននេះត្រូវបានបញ្ជូនមកអធិការដ្ឋាននគរបាលស្រុកសាមគ្គីមុនីជ័យ ដើម្បីបន្ដនីតិវិធី៕
ចែករំលែកព័តមាននេះ